قصيدة الشاعر رابح دحيلان العويمري الرشيدي
أظن أنه يسكن في حرة بني رشيد التي تقع بين حائل و المدينة المنورة .
حيث يقول فيها:
ياخليف براس الرجم عييت اعدي...و اونست انا في مشية الرجل تقصير
واليوم ممشاها نقص ومتردي....من عقب مانمشي على الرجل ونغير
مثل الجزور اللي تثواء تردي.....ماتنور لو ترعى من العشب نوير
ومن عقب التسعين مابه مسدي....مثل الطوير اللي يدورج ولا يطير
فارق اركوب مزهيات الاشدي.....لا جالب/ن / دلو/ن/ ولا شرب من بير
متكعمس/ن يتلى نواره يمدي.......النفس صغرت والجسم صاير اصغير
يشمي على العجله يحوز ويضدي.....وركب على عيونه قزاز ومناظير
وجداه يادورلنا لو يردي.....يوم البداه ومنزلن بالعثامير
بيوت بدو وبابهم مايردي......وبيوتهم شغلا بنات الغنادير
هو ريف طرقي الخلا المستحدي.....زبن الضعيف وريف ضيف ومسايير
اليا لاح برق وصوتوا بالمشدي.....عسوسهم قد مثلوا بالمظاهير
وقد مثلوا كلن بطيره يهدي.......ومع النشر يازين لاحت صقاقير
يبوا طراة/ن/ عشبها مستسدي..... بركون حز/ن/ مدهل/ن/ للخواوير
اللي عرقهن عنبرن فيه ندي..... واخير من ريحة نبات بقواوير
عز الله انه ريف قلبي وودي....بجفلية/ن/ياخليف غنى بها الطير
من نو براق/ن/خياله مسدي......وعطورها عشب النفل فالمحايير
واليوم طحنا طيحة/ن/ مانشدي.....وبنيت قصر بجبلة الغرس والبير
ودنيا كفا الله شرها ماتمدي.... وين انت ووين احبابنا اللي بهم خير
اللي على كل اللوازم تسدي ....اهل الشرف واهل الوجيه المناوير
وجتهم مفرقة الغلا والمدي.... ورسومهم تبني عليها المعاصير
وراحوا ولا منهم سلام/ن/ يردي.....في حكمة الواحد ولي المقادير
وباكر ترانا مع بثرهم نشدي....يارب تامرنا على كاتب الخير
ومن مات يضرب دربهم مايصدي.....ويفارق الدنيا براح ومشاوير
وصدق فضلا من الله يمدي ....ولا زان دينك بشرك من هلا الخير يتبع
وصلوا على ذكر النبي بغير عدي....وصلاة ربي عد مايفلح الطير