شبكة الشموخ الأدبية

شبكة الشموخ الأدبية (http://www.alshmo5.com/vb/index.php)
-   مجلة الشموخ الثقافية (http://www.alshmo5.com/vb/f30.html)
-   -   قصــيےـد الحےـب (http://www.alshmo5.com/vb/t9298.html)

alshmo5 02-15-2011 10:40 PM

قصــيےـد الحےـب
 
http://kll2.com/upfiles/ovO94196.png

الوحيد إللي قدرني
الشعر لوما كتبته بصادق إحساسي هجرني
والله لو للصدق ديرة أنا أول من عنيت

ياقصيد الحب قله غير قيده ماأسرني
غير وصله غير قلبه مارجيت وماهويت

قله طيفه في غيابه بعاطر انفاسه يمرني
مارحمني من عذابي ماعتقني ماهتنيت

إشتكيته لليالي والحنان إللي قصرني
عاشقه والعشق بلوى ليتني به مابتليت

آه لو يدري زماني عن حنيني ماقهرني
قله إني فيه آراهن بالمشاعر مابقيت

لوهديته كل عمري والخفوق إللي كسرني
ماوفيته بعض قدره لوعطيته ماعطيت

كامل والكامل الله بأجمل خصاله سحرني
مثل قلبه مثل عطفه لاسمعت ولارأيت

بحفظ بقلبي هيامي للوليف إللي غمرني
للهوى أسمى صفات وللوفا عز وصيت

لأنه أغلى من عيوني والوحيد إللي قدرني
إمتلك حبه شعوري والغلا له ماحييت

سيدي لولا الملامه والزمان إللي جبرني
كان ماتغفي عيوني لين ماأشوفك غفيت

إنت نبض القلب عندي والوريد إللي سترني
وش بغيت آمر تدلل قول واطلب ماشتهيت

لاتظنه ضعف مني لكن إحساسي أمرني
إن زعلت أرضيك واطوي كل همي لارضيت

ودي اجمع لك شتاتي بعدما حظي نثرني
لو يقاسمني فؤادك بعض حبي ماشقيت

ولو خفوقك صار ينبض نفس نبضاتي عذرني
كان ترحمني وتعطي قدر ماروحي خذيت

ياضمير الحب قله كان قلبه مانصرني
مات كل إحساس عندي وانتهى الامر وقضيت
تقديري واحترامي
ذكرى الغالي


الساعة الآن 07:27 PM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ - ط¯ط¹ظ… : SEO by vBSEO 3.5.1 Trans by
Coordination Forum √ 1.0 By: мộнαηηαď © 2011

vEhdaa 1.1 by NLP ©2009