 لبيب العــود
@ a Night Of Love
ألا يا لبيب العود يابو خصور نحاف
على زود لينه زادك من الطرب ليني
تعطـّـف على ما شيت يا مايس الاعطاف
تـثــنــّى على صــوت الوتر والتلاحــيني
و يا زامي النهــديــن يا نابي الارداف
و يا مــبرم الساقــين نحل الذراعــيـني
يمين ٍ عليّ ما شفت مثلك شبه واوصاف
ولا في العذارى الخــود ما قد رأت عيني
أنا لا ذكرتك خطر عقلي يجيه خفاف
و خـفــّـت بي الاشواق من زود ما فيني
وانا من عقب فرقاك جاني جَـهَـد وإتلاف
أكــنّ الحــزن والله رب المحــازيــني
دروب المحبه عرضتني تعب وإجحاف
ولا ما تبــاعـــد سيرها بعـــدها شــيــني
بعض وقت اقول أسلى ولا كن علي خلاف
و اقــول الهوى وصل و جــفى للمحبيني
و بعض وقت يسرف بي الوله يا عرب إسراف
و حــتى لــذيــــذ النــوم مـنــّـه يقــــزيـــني
ألا يا كحيل العين وإن كان معــك إنصاف
تمهّـــل ترى ما صابــني منك يكــفـيــني
تهايل بزينك يا حــلـو الخــد والأرهاف
و جـدّ لي بوصل ٍ ينـتـعش في شرايـيني
وألا ليت من ضمّـك وحطك ذرى و لحاف
و أداوي الجروح بجرح وتصير جرحيني
و لمن وفيت اقــول يا طبعــك الشفـــاف
خبرناك زيــن وكل ما جــيـت به زيــني
gfdf hguJJ,] جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
alshmo5 - القسم :
مجلة الشموخ الثقافية
- رابط الموضوع الأصلي : لبيب العــود | 
الإهداءات
العرض العادي
المواضيع المتشابهه الموضوع: لبيب العــود 
