عبدالعزيز الفدغوش
سلام سامي سلام لأهل الشموخ الكرام = والنور يجلى الظلام والله يعز الخليج
شفنا عجيب العجب وأحداث شجب وغضب= نالت كثير العرب والله يعز الخليج
محمد العمري
يا مرحبا يا هلا بالقاف يا مسهلا=شاعر ولا تجهلا والله يعز الخليج
يا صاح وضع العرب بالحيل شان وخرب=من بعد ذاك الطرب الله يعز الخليج
عبدالعزيز الفدغوش
هزت عروش ٍ كثير والوضع جدا خطير = منهاج تونس يسير والله يعز الخليج
شفنا كثير الدمار والقتل عم الديار = وفيها يحن الحوار والله يعز الخليج
محمد العمري
في ليبيا وش ترى دم المواطن جرى =واللص ذاك افترى والله يعز الخليج
حكام مسترزقة آفة على المنطقة =تستاهل المشنقة والله يعز الخليج
عبدالعزيز الفدغوش
عليه ضاق الحصار شرق ويمين ويسار = ما باقي إلا الفرار والله يعز الخليج
الظلم ماله دوام لو طال ليل الظلام = وسدران ماله مقام والله يعز الخليج
محمد العمري
كثرت عليه الضغوط وأصبح كما لخطبوط=لا بعد يفرض شروط والله يعز الخليج
وأمثال هذا كثير يا الله بك نستجير=وأنت العزيز القدير والله يعز الخليج
عبدالعزيز الفدغوش
لو هو هدر يا الزميل للحمل عيا يشيل = ولا بد يرغي شعيل والله يعز الخليج
دمر جميع البلاد وضده كثير العباد= صعب ٍ ينول المراد والله يعز الخليج
الإهداءات
رد: محاورة شهر فبراير 2011 ؟
العرض العادي
المواضيع المتشابهه الموضوع: محاورة شهر فبراير 2011 ؟ 
