فــي خ ـــاطــري؛مـصـافحـه بـع ـد الـغـيـآب

في خاطري علمً يقرقع بـه ايـام=مدري وش اللي ياخويي يريده؟!
أما غرام العام ذعـذع بالانسـام=ولا ضغوط الوقت فجـت وريـده
ماسرته كثر الامانـي والاحـلام=رآحت كما ضوح السراب البعيده
يضحك وضحك السن ياخوك مادام=يضحك فاقـد لـه بقلبـه فقيـده
ابطا وهو يلعب على حلو الانغـام=ويسج عن دنياه باجمـل قصيـده
يفتش جروحً دونها دارت اعـوام=والذاكره ماقـد مضـى تستعيـده
يطو الليالي طي مكرآت الافـلام=ويجدد الماضـي وياخـذ مفيـده
ياخذ عبر ياخذ قوانيـن واحكـام=عبره من الغلطه تـزود رصيـده
من شان لاياطا على فخ الالغـام=لن اللغـم لاثـار يمكـن يبيـده
والوقت مظلم والمخاليـق ظـلام=تبطش وتنهش والمقاصد زهيـده
والنفس لو تقدر على ردع الاوهام=تقدر تعيش احلا الحياه السعيـده
واللي فقدته بسمةً قصدهـا شـام=اقفت ولا عين لها ايـة شريـده
ضيم عليها الوقت والوقت لطـام=اليا زمت فرحه جعلهـا وحيـده
وهذا هو المقسوم من رب الانـام=حكمه من المعبود باحواء عبيـده