حياتي ضريبه (جديد)

هلّا بك القلب الحنون ويراعيك=والعين من زود الوله لك تعيبه
لا تعتقد قلبي قسى ما يداريك=وأنتي على عرش الغلا لي حبيبه
شريان قلبي دامي الحب قافيك= يروي عروقك تسمعه في دبيبه
رمش العنا لمّك بعيني يباريك= يدفيك بالشوق و اتحس بلهيبه
وإذا عجزت بيوم وأزريت الآقيك= طيفك بعيني يا غلا مكتفيبه
من زايد الأشواق روحي تناديك=ورهنت لك جملة حياتي ضريبه
أرخصتلك عمري كذا كيف أجافيك= قلبٍ تمنّاك و مناته تطيبه
قلبٍ هواك و ميّتٍ هو وانا فيك=في شوفتك كل السعد لي تجيبه
وعشم لنفسٍ يا منى الروح تغليك=ترخص لقلب ٍ يا غلا ما تخيبه
كل المحبه والأحاسيس تسقيك=وكوني من اللي ما رخص بك قريبه
وإن ما قدر في وقتها لا يراضيك=منك العتب لو زاد ما هي غريبه
كل المشاعر والموده تغطيك=وان غبت عن قلبي هواجس تصيبه
في كل ميزان ٍ من الشوق أبا أغليك=ولا رحت لك مثلك قمر في مغيبه