 ماني كذا لكن؟؟؟؟
ما ني كذا لكن ليا وصلت حدود المهزلة
.... رميت انا قلبي شمال ..واخلفت خطواتي يمين
ما تعرفين الفرق ما بين النساء والمرجلة ؟
....إن النساء من طبعهم نقص العقول ونقص دين
أنا خبير وما جهلت إلا الغدر والمنذله
..........وما بيني وبينك شبه لا حاجة ولا حاجتين
حتى لو اجهل كل شي كيد النساء ما اجهله
....اعرفك واعرف غايتك وأعرف على ما ترسمين
لا صار عقلك قال تنسيني وقلتي ازهله
.............يجيك يومٍ به تحنين لوفاي وترجعـــين
وليا رجعتي قلت من يضحك علي ما أقبله
.........يكفي شربتك أول المشوار لوعات وانيــن
قال المثل بابٍ تجي لك منه الريح اقفله
.........ولا تعيش اكثر ليالي عمرك الباقي حزين
فهمك خطأ والحب ما يعني تطيح المنزلة
...شوفي قصص مجنون ليلى بس وأنتي تعرفين
الفعل يبقى صعب لا شك الحكي ما أسهله
..............كلٍ يقول أحب لكن البلى وين اليقـين
الضعف لا هو يعترف فيني ولاني من هله
.............لا والله إلا قدك وقد النــوايا اللي تبين
مبداك كذب وخاب من كذب المبادي مدهله
............واللي بناياته بليا ساس ثابت ما تزين
انتي ونا + بعض يخطي جواب المسألة
....والعكس صح وما بقى فيها حساب وتحسبين
الظلم ذا كفه ويبطي ما نحنيت اقــــــــــــبّله
...............لي عزةٍ ما تؤمن بشيٍ يسمى عاشقيــــن
بقول يا قلبي تخيير .. يا أنا .. يا لمهزلة
...........وليا عصاني قلت روح شمال وأروّح يميــن
بقلمي - سالم الصقور
جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
سالم الصقور - القسم :
منتدى الشعر الشعبي
- رابط الموضوع الأصلي : ماني كذا لكن؟؟؟؟ | 
الإهداءات
العرض الشجري
المواضيع المتشابهه الموضوع: ماني كذا لكن؟؟؟؟ 
