فيض المشاعر ...!!!

نظمت الشعر لآجل انّه يعبّر عن خفآ المكنون=ويظهر لي مشاعر في دواخل حس مكنونه
يعرّفني على نفسي بشكل ٍ واضح ومضمون=ويعرّفني على غيري مَعَرْفة حيل مضمونه
وآنا آخترت الحروف الدر من بْحوره على كل لون=عساي آبهجْك يالغالي من آنواعه ومن لونه
ومِن تاريخنا الشّعري آقتبسته من بديع فْنون=شِعِر صافي أصيل وكلْ شعور ٍ يسبر فْنونه
وكلْ مزن ٍ من الآشعار يهيّض لوعة المفتون =لأن الشعْر ديوان ٍ وفيه العُرْب مفتونه
كلام ٍ يحوي المعنى مع المبنى غدى موزون=وجزلات القصيد الغرعلى الطاروق موزونه
وكل شعر ٍ و له أغراض مع الآلحان بدآ مرهون=وله أبيات إذا قيلت تراها فيه مرهونه
و له دور ٍ كبير وْلا يقول العارفين شْلون=وكل قاف ٍ وله ميلاف ولا تسألْك وشْلونه
حروفي تعزف الإحساس على آوتار الهوى بلحون=وسمو الحرف يعزفني يهيّضني على لحونه
يجذبني الغزَل واللي على كل عفة ٍ مصـيون=مثل عنتـر حروفه دوم على العفّات مصيونه
أو حسان في شعره كثير آجيال له يْحفْظون=تكفون انهلوا من شعره آو يا ليت تحَفْظونه
أو عوف السعَد وايل له الوارد بدا مسنون=غزل عذري بلا إسفاف مع الآطراف مسنونه
والا قيس ذاك اللي غدى بْمحبوبته مجنون=عشقها عشق ٍ مْروِّع به الصيحات مجنونه
وجميل ابن المعمّر والأعشى مع ابن زيدون=لهم أشعار ما توصف ولا تنقص يزيدونه
وكثيّر عزّه اللي كانوا العشّاق له يبارون=عشق حتى التراب اللي وطت معشوقته رونه
ومعروف الرصافي والخزاعي مع ابن طحنون=على البارودي وكيشار على الخوري ودحنونه
وآبو القاسم وابن شوقي وابن جوهر وابن لعبون=على الهزاني والفيصل وابن نوطان وعبونه
وذا السامر وابن مكتوم وابن سلطان وابن ميمون=وابن هذّال والبذّال وعزّالدين مهيونه
على ابن فطيس وابن حجاب وابن فدغوش وابن مرهون=وعلي القحطاني والحجي وابن علّوش والشونه
على شوشه وابن عدوان على العامر وابن شيهون=على الكعبي وابن تيمور وابن برّاك شيهانه
على الأبْنودي ومظفّر وابن سالم وابن حمدون=على السيّاب والسيّار وأبو ريشه يحَمْدونه
على عْدينه على جزعه على نوره وبنت ازيون=وهدى المعجل وهنآ كردي ومها محمد ومزيونه
ونجاح اللي لها الأشعار نديّه من رباب امزون=تهل بروعة الأحرف بديع الشعر ومزونه
قصايدهم ثمار الفكر فكر ٍ ماهو بْمطعون=ينتج كل جميل القول بِلا هنّات مطعونه
ملوك ٍ للقصيد ومن ملَك كَـ مُلْكُهم بِــ يْكون=ملَك لِه للأدب باب ٍ وبات الفخْر كينونه
ولو أذكر كثر ما آذكر سيبقى للحروف ازبون=زبون المعنى والحكمه ومرافي الشعر مزبونه
لآجل ذلك جلبته جلب من آعماقه نهر وعْيون=وعسى صيدي يجمّلني مع النظرات بعيونه
وآنا شاعر ولي نظمي وآنا آنظم مثْلهم أو دون=ميول الحرف تحكمني ولا أرتاح من دونه
ولَكن بعض من يقصد في وضع ٍ ما كما المشحون=قِصِيده من غريب الطرْق له الأبيات مشحونه
ويبقى الشـعْر نبض ٍ للمشـاعر من بحَر ومْتون=وكلْ شاعر كما الصيّاد صيده من هوى مْتونه

’،
جوهر الراوي