طار الغطا عن محياهـا وبـان الشعـاع = با الليل لكن اشوف الشمس يوم اظهـرت
شمس سطع نورها لـو لبسوهـا قنـاع = وكل الاماكن اليا جتها انـورت واسفـرت
ولو جت لناس مفرقهـم خـلاف ونـزاع = نحلت المشكلة لو كـان هـي مـادرت
وتجمعوا حولهـا لـو مايبـون اجتمـاع = ونسيوا خلاف السنين الماضيه لاحضـرت
لاسل سيف الجمال ايطيح سيف الشجـاع = لله ياكثـر ماهـي كسـرت وجـبـرت
كل البشر لاجل شوفتها عطاشـى جيـاع = ولو تبتسم خمرت اعقول البشر وسكـرت
ولو حطت ايدينها على الكبـود الوجـاع = سلمت جميع الجروح الكامنـات وبـرت
عزمت بصالة زواج من الكبار الوسـاع = وتحولت كـل الاضـواء يمهـا وانـورت
وتوسع المجلس وما كـان فيـه اتسـاع = كلٍ تخلى المكـان الهـا وعنهـا انبـرت
يوم ارقصت والهب التصفيق صوت الايقاع = وصواتهن بالزغاريـد اعتلـت و كثـرت
مرت تشق الصفـوف امودعتهـن وداع = تفوح الاجواء بريحـة عطرهـا لاسـرت
تدرين هو ليه وجل وخائف من الضيـاع = إذا عـدد معجبينـك كـل يـوم كـثـرت
وانا الذي لاعطا اعطا فوق ما يستطـا ع = محبة في عروقـي مثـل دمـي جـرت
والخوف والوجد مقرون باسـى والتيـاع = اكثر ما يطري على بالي طوارى طرت

الشاعر المهدي بن تركي


صح السانك ولا فض فوك


ولله درك للقصيدة الرائعة


وتقبل تحياتي