محسوبك ...!!!

أرجوك ثمْ آرجوك لا تجلب الهم=يكفينـي مـا جـرى في سالف حياتي

ليلي انطوى وآنا لين آصبح مسلهـم= ألـــوم حالي كيف آنا آهملت ذاتي

تقول الناس عنّي شاعر ومُلهم= وان البراعه ظاهره في سِماتي

هم مادروا عنّي ويا الفاهم إفهــم=سراب ٍ ما هو بْراوي اظْـمـا لهـاتــي

غشيمهم يحْسِبني راعي دراهم=ما يدري إنّي راصد ٍ ذكرياتي

يقول إني تاجر عقـارات وآسهــم=وان المصارف رِبْحها من غناتي

كل الجـديــد مْعَ الأناقــه لي يرهـــم=من هو يواظب عالأناقه شراتي

وسامتي بسبّة كريم ٍ ومرهــم=يزيّن المظهر ويخفي عناتي

ويا من يلفتْك شكلي لا لا توهّــم=حظي تعيس ونايم ٍ في سباتي

كـشّــر علـيْ وجـه الزمـان وتجهـّـم=محد ٍ عليْ عطف ولا آحد ٍ يحاتي

كل الشقآ شقاه فيني مدلهم=وآظنها كثْرَتْ عليْ سـيئآتـي

واللي مضـى مضى كمـا الليــل الآدهـــم=وآقلام همّي حبرها من دواتي

وكل النّـاس آخِـيــر مـنـّي وأشهـــم=و ظنّي بربـّي ما يخيّب رجاتي

’،
جوهر الراوي