12-13-2010, 09:40 PM
|
| |
 يشبه انسان
موال دروب المطار فيني جنون اشعار مدري فيني فيني.. شعر وجنون
المهم فيني كثير اعذار
ودي اقول اسف
للطريق..
ولذاك المكان
ولدروب المطار
وذاك الفضاء
قبل الجروح والحصار
يملى المسافه
كل المسافه انتظار
يسولفني شعر مجنون
مدري انا ؟؟؟
اسولفه جنون اعذار
,,,,,,,,, ,,,
,,
,
يشبه انسان
جيت من اخر الوقت .. من حدود النهايه
ذابت ازمان عمري .. وعد مسراه كذبه
لاحني صمت هايم يصرخ العمر تايه
لا وجود إلـ .. وجودي درب الابعاد غبه
شي احسه واشوفه يرتسم لي حكايه
شي كنت احتريله واسهره ليل رهبه
واعتقد قبل احسه .. قبل غربة بدايه
كان صبح المدى حلم والمسافات رحبه
اكبر احدود واقرب من نهايات غايه
درب روج لضامي سكة الحلم صعبه
صمت هاجس تناجى رافع الحلم رايه
غايته بعد راحل سيرة امجاد رغبه
بعض كلي ومنه .. بعض منه فضايه
يشبه انسان فيني درب عمره غدر به
ارتحل من نهاية وقت مرر نهايه
سكة ابعاد رتل .. بعدها درب لعبه
,,,,,,
تنهيده
ويني انا
انا ويني اخر سوالي
قبل الاخير يناديني
وارحل وعيني تشوف
اخر نهاياتي ..
وحدي وانت وينك
رحت ولا جيت تلتقيني
قبل اذوب واضيع فيني
وتتعب تدورني
ولا تلقى غير اول
وانا ... انا ويني ؟؟؟
,,,,,العااااازف جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
ابراهيم القربي - القسم :
منتدى الشعر الشعبي
- رابط الموضوع الأصلي : بشبه انسان
التعديل الأخير تم بواسطة ضامية الود ; 12-19-2010 الساعة 01:12 PM,
السبب: يشبه انسان
|
الإهداءات
العرض العادي
المواضيع المتشابهه الموضوع: بشبه انسان 
