|
محاورة بين الشاعر الكبير رشيد الزلامي والشاعر عبدالله بن عتقان محاورة بين الشاعر الكبير رشيد الزلامي والشاعر عبدالله بن عتقان جرت هذه المحاورة بمحافظة جدة يوم الأثنين الموافق 1/8/1426ه بحضور الشاعر الكبير/ مستور العصيمي والشاعر الكبير/ زيد العضيله والشاعر الشاب/عبدالعزيز العازمي رشيد الزلامي إبن عتقان في وسط البحر والبحر جزر ومد=وفي جيبه حصاةٍ من جبال أسليم شايلها بعد مامرنا مسرع وقال إلنا سلام وصد=حرامٍ من حزامي مايروح لين يأكلها عبدالله عتقان يأبن زيد الزلامي مايصح إلا كلام الجد=إبن عتقان يأخذ وزعته ماهو بجاهلها مدام إني مجهز للخصوم الكحل والمرود=فيا كثر العيون اللي تطالعني وأكحلها رشيد الزلامي نبي نعطيك مايرضيك دام إنك بسطت اليد=ومن دور لها عند العرب لازم يحصلها تفصل لك ثيابٍ مانبيها ياعريب الجد=على زيد العضيله روح مترها وفصلها عبدالله عتقان عسى ربي يكثر خيركم ماني ضعيف أشحد=كبيره يالزلامي طال عمرك لا تكملها كلامك يالزلامي مالقينا له رجل يشهد=فلا تكثر علومك ياطويل العمر قللها رشيد الزلامي نهار اليوم ولا مير هذا ليلك الأسود=تكفي الأوله والثانيه ماني بقايلها نبي نضغط عليكم لين أحد يجلس وأحد يشرد=وتشعر بالمصيبه فالعظام وفي مفاصلها عبدالله عتقان أشوفك يالزلامي تفتل الأشناب وتهدد=نسيت إن الجبال الراسيه محدٍ يزلزلها تبي تقعد مثل مستور والثاني تبي تقعد=معي زيد العضيله واهجاد اللي نقاتلها رشيد الزلامي أقول ونعم لكن لن صدمنا في جبلكم شد=وتصبح عندك الضلعان خاليةٍ منازلها سليم أصحابنا وإذا بغيناهم كلامٍ جد=نعصر أخشومهم والقوم مانعرف نجاملها عبدالله عتقان ترى اللي يصتدم بجبالنا والله مهو مسعد=وهذي ناس نرضيها وهذي ناس نزعلها سليم أصحابكم تحرم لذيذ النوم فالمرقد=فل تنسى الرجال اللي قديماتٍ فعايلها المصدر: شبكة الشموخ الأدبية - من قسم: منتدى المحاورة والألغاز lph,vm fdk hgahuv hg;fdv vad] hg.ghld ,hgahuv uf]hggi fk ujrhk |
| الساعة الآن 01:19 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011