لحــون التلــون ؟

جميل جدا وضوح الفيلم والصـوره=حيث ان رمز الغلا بانـت تقاريـره

بان الجفا والخطأ والزيف بشعـوره=لو كان عزف المشاعر جاد تصويره

يعزف لحون التلون مـا أخـذٍ دوره=وأبدع بفن التصنـع فـي مشاويـره

يتبع نفوسٍ ٍ على التلبيـس مفطـوره=لين اتقن الدور وأصبح من مشاهيـره

حقق مزيد التميز وأصبح أسطـوره=ما كن ربـي خلـق حليـاه بالديـره

كل الجوارح غدت بأمضاه ممهـوره=حتى أعتلى عرش قلبٍ رافضٍٍ غيره

كنت أحسبه بالهوى نبراس دستـوره=ومن الولع ما شقاني غيـر تعبيـره

أثـره ممثـل بجـد ومتـقـنٍ دوره=وأشعل فؤادي بسحـرٍٍ بـان تأثيـره

رسمت له لوحـةٍ بالوجـد مشهـوره=ومطرزة بالوفـا والحـب والغيـره

حبٍ سما بالتفانـي واعتلـى سـوره=ومن الغوى بالمعالي صـادحٍ طيـره

في دوحةٍ بالغـلا والحـب معمـوره=يوم ٍ روض الهوى تطرخ نواويـره

نقطف ورود الجوى والشوق وزهوره=ولا أحدٍ بلغ بالغـلا ميـزان تقديـره

حتى عكس ما(تبيه) النفس بسبـوره=وإنزاح عني ضباب الوجد والحيـره

رغم التكتم بدأ ب(الحـب )مستـوره=و (لاني)مرتب (هدف)لو بان تفسيره

عندي تساوي غياب العذب وحضوره=مادام مبـدأ الوفـا ماهـو بتفكيـره