شبكة الشموخ الأدبية

لكم ايها الانقياء والقلوب الطاهرة
ادارة واعضاء وزوار مع كل تقدير0

|

في الساحة اللي بجانب بيت اهلها القديـم = وقـدام بيـت لنـا جنبـه ويـم اجهتـه
معها بنيه وانا اسحـب سياراتـي بسيـم = وكلا مهيا مـن المعبـود فـي فطرتـه
ياما طردونا ليا جاء عند اهلنـا حريـم = وياما ارسلونا على جار( ن) نعزم امرته
هيه وانـا واخوهاالصغيٌـر عبدالكريـم = لاخـرب العابنـا صدنـاه مـن جرتـه
اطفال نضحك ونضحك لثـراء والسديـم = والطفل بيـن الثرياءوالثـراء ضحكتـه
حتى وصل عمرنا ست اسنـوات بتيـم = ها السن كـلُ يـروح المدرسـه حقتـه
مريولها لبستـه وجتنـي سـواة الظليـم = تبغـا تورينـي المـريـول لالبسـتـه
فرحانة ابـه ودفترهـا وشنطـه يديـم = والمرسم اللـي شويـه تظهـره وبرتـه
تقول لي امها يـا خالتـك شـوف ريـم = ترى ان درس الحساب من امس ما حلته
وانا مسـوي بكلـش فيـه جـاي فهيـم = صفر الشمال احسبه واقـول ذي خانتـه
وبانت مفاتن جمال في وصوفـه عديـم = واهتز عصـن الشبـاب لـوردة هزتـه
لين البسوهـا العبـاة ولا بقالـي نديـم = مر تحـط النقـاب ومـر عنهـا رمتـه
وكبرت ونا مثلها اكبـر خطنـا مستقيـم = ماندري ان الزمـن يكتـب لنـا قصتـه
لين زوجوها لائيم مثـل ابوهـا الائيـم = فـي ليلـة واحـدة زواجـة ودخلـتـه
ليلة فرحهـا وانـا ملتـاع مثـل اليتيـم = شاف الكفن فوق ابوه ولا حبس عبرتـه
وراحت معه مكرهه قلبا وجسمـا سقيـم = ثم قطعة اخبارها واللي تبـا مـا لقتـه
ومرة وانا جالسً في السوق سوق النسيم = الا وطفلاً جلـس قدمـي علـى ركبتـه
ثم ابتسم ما اجمل البسمـة بفـم الفطيـم = وشديت يده وقمت امسـح علـى غرتـه
طالعت لطفل لن الطفـل شكلـه وسيـم = كأني بعرفـه وكانـي شايـف صورتـه
واليا الملامـح ملامـح ماتغـر الفهيـم= الوجـه ذا وجههـا نظراتهـا نظـرتـه
ولديـت لامـه ولا هيـه بـلاي المقيـم = وجتني وهي مطرقه بدموعهـا وخذتـه
قالت تعال انتشلني مـن حيـاة الجحيـم = ثم انحشر صوتها والحزن فـي نبرتـه
قلت0 انتي وانا تحت تدبير العزيز الكريم = وهاذي هي إرادت الباري وذي قسمتـه
انتي عفيفه وانـا حبـي عفيـف حشيـم = وايضا ولك زوج مازلتي على عصمتـه
وهلت دموع عزيزه كانهـا وبـل ديـم = احد ً على مسفعه واحد ً علـى غترتـه
ثم اكضمت غيضها وانا لغيضي كضيـم = وخذت ولدها ونسيت كل شـئ اشرتـه
وجلست بالسوق كأن السوق نار وهشيـم = لو ان رجلـي درت لسـوق مـا مرتـه