الصووت الخجول

آه يا لصوت الخجول ملت أيديني الكتابة
..............ملت عيوني تعانق نور ثاني غيـــــــر نورك

ما دريتي وين وصلت فيني حدود الاصابه
............صار مثل الأكسجين أتنفسه واحيا .حضورك

وين أوديني من إحساس صدق ما هو دعابه
..............شي خلاني نويت ابيعني واشري ظهورك

إيه متهور شعوري فيك لي حد الغرابة
......صدق ما قبل عيشتي لو غاب في دنياي دورك

عاشق ولك في حياتي منزلٍ ماله مشابه
...........كل شي أقوى عليه بعمري إلا اجرح شعورك

السؤال اللي يدور بخاطري ما له أجابه
.............. كيف أصير أنا هواك وناسك وقمة سرورك

لي طموح وخايف إنه عني أبعد من سحابه
................ بس يكفيني أصير بعمرك ..أمرٍ من أمورك