كسرني صمته القاسي

يِحاسِبني على الزله ولاحد منها معصوم=يخالف كل اطباعي يعاندني بِأحكامه
احس إنه مِجافيني بنظراته عتاب ولوم=ويتحاشى يحاكيني كأنه يعلن خصامه
غلاي ودنيتي..ناسي..نصيبي حظي المقسوم=كسرني صمته القاسي وحزنٍ بالحشا ضامه
غريبه ماهي اطباعه حبيبي محتويني دوم=علامه مايصارحني عن إللي كدر أيامه..؟؟
ولو كان الخطا مني يظل قدر الغلا محشوم=يِجّله كل مافيني..واعز النفس بِإكرامه
أنا غير البدر مالي ولا يحجب سماي غيوم=اببقى له ويبقى لي رفيق الليل واحلامه
ذبحني مّر إحساسي يبي يفصح عن المكتوم=يهيض قلبه الناسي ويطلق باقي سهامه
رجيته لايِعنيني يزود عالهموم هموم=عصاني راح يشقيني حكم عالقلب بِإعدامه
ياويلي مابقى فيني من اللوعه صبر وعزوم=جفا حلو الكرى عيني يمر الليل مانامه
على شان السنين إللي تِقاسمنا لذيذ النوم=تحاشى الشك ياخلي يفرقنا بِأوهامه
ولاتغويك نزعاتك تجنب دعوة المظلوم=وحاسب نفسك وذاتك وعيش بنفس لوامه