شبكة الشموخ الأدبية - قصيده للشاعر سعود الشبرمي

شبكة الشموخ الأدبية (http://www.alshmo5.com/vb/index.php)

- منتدى التراث والمنقول (http://www.alshmo5.com/vb/f10.html)

- - قصيده للشاعر سعود الشبرمي (http://www.alshmo5.com/vb/t6713.html)

قصيده للشاعر سعود الشبرمي

السلام عليكم ورحمة الله وبركاته
هذي قصيده للشاعر سعود الشبرمي

مدري اشيلك شعر و لا أغنيك *** من فرحتي .. تاه الكلام بلساني

نسيت لا رحّب و أهلي و حييك *** مدري وش اللى من نظرتك غشاني

اخجلتني فى جيتك من حسانيك *** و حضورك اكبر من بساطة مكاني

فتحت بيبان الحشى و الشبابيك *** يا دهشتي .. حبي مواطي زماني

خذ راحتك كل المحانى متاكيك *** تفداك يا نبض الخفوق المحاني

الله يا حر الوله فى اياديك *** ذوب تباريح الشعر فى كياني

بصب لك كل المشاعر و قهويك *** أروع قصيدة .. امطرتني تهاني

ادري .. تراجف للقصايد امانيك *** و ادري تحب تشوف شاعر يعاني

تبي القصايد .. او تبيني اناجيك *** ببيات ارهف من سحابة حناني

على العموم بكل الاحوال يمديك *** يجيك كل اللى تبى فى ثواني

يا سيدى تأمر و انا أقول لبيك *** اليوم يومي .. و المحبة تفاني

قصيده للشاعر سعود الشبرمي