السلام عليكم ورحمة الله وبركاته
محاوره جرت بين غازي البراك والشاعر الكبير رشيد الزلامي
رشيد الزلامي
الليل عزو صفكم ياهل الحفر
ابا تفاهم مع هذاك ومع هذاك
اما لقيناهم عرب ولاعريب
واللي عقد رواس الحبال يحلها
ان كان غازي طاح في وسط البحر
اما غرق ولا سحب نفسه وجاك
المرجله بين العرب حض ونصيب
واللي عقد روس الحبال يحلها
غازي البراك
اهل الحفر اهل الكرامه والفخر
يا شاعر العتبان قلي وش بلاك
ماني على الميدان يا شايب غريب
واللي عقد روس الحبال يحلها
ان كان ودك بالقشر هات القشر
ربي عطانا مثل ماربي عطاك
والرامي الطيب يابا الليله يصيب
واللي عقد روس الحبال يحلها
رشيد الزلامي
اسمع كلامي ثم لك مهلة شهر
ان كان تعرف مقصدي كلش فداك
احلب جمل قال الجمل مابه حليب
واللي عقد روس الحبال يحلها
الموت والطاعون وجنون البقر
جت بالبشر ياربي إنا في حماك
تعال ياغازي على جنبي قريب
واللي عقد روس الحبال يحلها
غازي البراك
العلم من راسي وانا عندي خبر
تجي لنا بطيب غازي معصاك
واشرب حليبك ياعسى جرحك يطيب
واللي عقد روس الحبال يحلها
ترى المعاني تصتفق وسط الصدر
العب ترى غازي يباء يبيح خفاك
ياذيب ياللي طحت في وسط القليب
اللي عقد روس الحبال يحلها
رشيد الزلامي
ياكثر فيك من اللكاعه والظفر
لكن بعض مرار تحتاج اشتراكا
مزح معك وظرب على الدنياء صليب
واللي عقد روس الحبال يحلها
الإهداءات
محاوره جرت بين غازي البراك والشاعر الكبير رشيد الزلامي 
العرض العادي
المواضيع المتشابهه الموضوع: محاوره جرت بين غازي البراك والشاعر الكبير رشيد الزلامي 
