اخواني اخواتي ادارة ومشرفين ومراقبين وزوار شبكة الشموخ الادبيه
انني سعيد بانضمامي الى هذه الكوكبه المتوهجة بالأبداع والتألق
واضع بين يديكم اول مصافحه لي هنا املآ ان ترتقي الي ذائقتكم الشعريه زلتي من ذنـوب الـوقت مكتوبـه = والليالـي كفانـا الله بلاويـهـا
الزمن شين والأوضاع منكوبـه = والحظوظ الرديه مـن يسويهـا
كل ماقلت زان اللنش وأركوبـه = زفه الموج وأرسـاه بشواطيهـا
المدامع على الخديـن مسكوبـه = والمواجع عجز عنهـا مداويهـا
القراح المصفى مـر مشروبـه = علقمه بالكبود اللـي نقـع فيهـا
يانسيم البراد اللـي نفـح دوبـه = اسق كبدٍ لهيب الوقـت كاويهـا
جار في الزمان وشانت أدروبـه = والمماشي علي ثقلت خطاويهـا
من بديت الدراسة صارت اعقوبه = والله اعلم وش اللي في تواليهـا
المداين عن الأنظـار محجوبـه = من كثاف الضباب اللي حواليهـا
كل ماقلت ياوقـت العنـا توبـه = لاح براق حزني فـي مباديهـا
حال وقت الشقى نوبه وراء نوبه = وانتهت من يدينا عنـد ساعيهـا
كل خطوه على من حب محسوبه = لوعرفها توقـف عـن مماشيهـا
وأنت يالي لبست من الشقى ثوبه = الصبر عـون لأبـن آدم بتاليهـا
ياعظيم الجـلال وقابـل التوبـه = أرحم أنفوسنا وأقبـل حسانيهـا
الإهداءات
رد: ذنوب الوقت
العرض العادي
المواضيع المتشابهه الموضوع: ذنوب الوقت 
