ياللي تسئل عن علومي وأنت بعلومي خبير
خذ علومي بالتوالي بس علومـــي ما تسر
الخبر نفس الخبر وللأسـف مانـــي بخيـــر
يعني ماشيء من جديد الخبر نفس الخبــر
وش هو تتوقع بعد وش تريد يكـــون غيــر
هذا حالي بعد هجرك أبـــد ماهـــو مستقر
صاير بدنياي وحـــدي مـــع عذابي مثل طير
للأسف طير(ن) جريح ولي جناح(ن) منكسر
وشهـــو أصعب من كذا طير وجناحه كسير
للأسف كسري صعب للأسـف مــــــا ينجبر
هذا هو حالي الجديد للحــزن صـاير أسير
آآآه يا حسرة علي وش كثــر صعب الأسر
وش تبي تعرف بعد غيــر مـن هـــذا كثير
قول وشهو مطلبـــك حالتـي مـــا عاد سر
والله ما يخفاك حالي هذا هو حالي خطير
طيب وأفرح ما يهمك هذا حالي في خطر
أدري إن أخبار حالي يعني لك شيء مثير
طيب وأفرح وش عليك هم أصفق بالعشر
بس تذكر شي واحد لي جرالي ولي يصير
كله من أسباب غدرك والقســاوة والهجر
أعترف لك وبجــدارة بالغــدر أنتــه خبيــر
للغدر مالك مشابه بيــن جمــلة هالبشــر
صرت أنا لحبك ضحية كويتني بنار السعير
نار غدرك وسط قلبي شاعلة كم تستعــر
أنتهت دنياي كلها وهذا هو وقتي الأخيــــر
خلاص يكفيني عذاب عدت مقدر عالصبر
أنا بتـرك دنيتـــك وأبتعـــد عنـــك وأسيــر
يعني بكرة تجيك عني أخبار نايــم بالقبـــر
بس لو جاتك علومي وقالوا لاقيت المصير
دمــع عينك لا تذرفه وأدعي ربك بالغفـــر
وفر دموعك عليك تنفع بيــوم(ن) عســير
بس خلي بذكريات وأنقش بصم الحجــــر
موتي من أسباب غدرك كم ترى ذنبك كبير
وكم تقضي العمر كله وأنت في ذنب الغدر
راح تقضي كل عمرك بين تعذيب أالضمير
وملتقـــانا عنـــد ربك نلتقـــي بيوم الحشر
الإهداءات
الخبر نفس الخبر 
رد: الخبر نفس الخبر
العرض العادي
المواضيع المتشابهه الموضوع: الخبر نفس الخبر 
