تقول يا الشاعر نبي من روايعـك=نبي على بعض المواضيـع حلّـك
وأقول كان القيل يطرب مسامعـك=عندي كلام ٍ عن مضيعك يدلّـك
الشك والظـن الـردي لا يظيعـك=لا يشتـت افكـارك ولا يستحلّـك
اسمع كلام اللـي بقولـة يودعـك=اللي اليا أخطيت الهدف صاحيلّـك
لا تطاوع اللي للمهالـك يدرفعـك=لا شايف ٍ وضعك ولا حاسبلّـك
وأن كان عندك شك راجع مراجعك=ومغـيـّر النـيـات لا يستغـلّـك
أركد وفكّـر لا تشيلـك روابعـك=وإصدق مع اللي بالوفـا صادقلّـك
وأسمع كلام ٍ لا تمعنت يقنعـك=نصيحة من واحـد ٍ صافطلّـك
وإترك رفيق ٍ ما يضمد مواجعك=خلك بعيد ٍ عن حراويـه خلّـك
تراه لو بيديـه جوعـك يجوعـك=وعنده تموت من الظمأ مـا يدلّـك
تقـول تكفـا دلنـي مـا يطالعـك=يقول شف غيري مانـي فاضيلّـك
لا تراجعه لو كـان وده يراجعـك=موتك ولا رفقة حقيـر ٍ يذلـّك
اللي إليا سولفـت دايـم يقاطعـك=ومن ما يجـول بداخلـه يستملّـك
جنب عنه دام السعة عنه توسعـك=لا تمتثـل قـولـه ولا يمتثـلّـك
ما كل رجال ٍ ليا احتجت ينفعك=لا كل ظل ٍ في ظلاله يظلّـك
واللي بوقت اللازمة مـا يسنعـك=ولا يقـدر ظروفـك ولا يحتملّـك
وإن قلت له هذا السنع ما يطاوعك=ولا هو مثل ما قلت لـي جايزلّـك
قلي وش اللي في جنابه مطمعـك=لا صار لا منصف ولا وافي لّـك
أصمل وبع من كان بالرخص بايعك=ما دام موضوعة ما هو راضيلّـك
يا اللي صفاتك من صفاوة منابعـك=وافي وكـل ٍ بالوفـا شاهدلّـك
الكل يشهد في وفـاك وتواضعـك=وغير الشهادة بالعشـر باصملّـك
لا توالم اللي مـا يوالـم طبايعـك=لا سامع ٍ رايـك ولا طايعلّـك
هذا كلامي وانت صرف بضايعـك=اللـه يعينـك بإرتحالـك وحـلّـك
أدري بعض ما تسمعه حيل يوجعك=لا جاك من بعـض الأوادم يعلّـك
وعندي خبر تدفعك مثلي دوافعـك=وأظن ما جـار ٍ علي جاريلـّك

وتقبل تحياتي

وهج

قصيدة تسـتحق التصفيــق

إعجابا واستحساناواحتفاء

لله درك وصح قلبك ولسانك

جمال الحرف مسكوب بسمو المعنى
وأجدت التميز في الصور والمبنى

قـصــــــيدة أكــــثر من رائعـــة
وتستحق الإعجاب والاستحسان
وتعد من درر الشعــــــر والبيان

الشاعر العذب مبارك الطومي

لا نســتغربالذهب من معادنه

ولا الإبــــداع من أربابه وأهله

صح السانك وعلاقدرك وشأنك

الشاعر القدير

مبارك الطومي

صح الله السانك واعلى شانك
تقبل الورد

سامي احمد