لا للمستبد ؟

ما اطمن الراس للي شايف ٍ حا لــــــه=طبعي يغلب التطبع شامخ ٍ عا لــــــــــي
الناس ترجم أبليس وترجم عيا لـــــه=وأنا أرجم أبليس في حلي وترحالــــي
موال معناي ما يصلح لموا لـــــــه=مايـتفق رأي مواله و موالــــــــــي
وده يهيمن عليٍّ ولا تهيا لـــــــه=ما أخطي و لا أطاوع اللي قصده اذلالي
اللي من الغـطرسة يزعل من أظلاله=ويقول للظل من جـــابرك تبــــــرالي
أليا غلط ما أتبعه بالرأي وأبرا لـــه=ما هو على شرط ما يرضيه يرضــالي
يزيد فيه الغرور اليا سكتنا لــــــه=يستضعف الناس و يكابر على الخــالي
مايترك أخطاه لو إنا ضحكنا لـــــه=يا أرخيت معه الرسن يجيك متكـــالي
أليا أحترمته عليك يصير به حالــــه=و يقول له قول لا يعقل و لا يقـــالي
ومن لا يحسب أحسابنا ما حسبنالـــه=المستبد أنبذه لو عشت بلحــــالي
أمشي أبفالي و هو خله على فالــــه=أرضاه و امجامله ما هو على بـــالي
لا أخطأ ما أطوف خطاه ولاني بحاله=ما أقبل كلام الخطأ في كل الأحوالي