وهج الشعر .. و .. بوح المشاعر ؟

ألا يا شاعرة شمر رسمتي للجمال إفنون = نسجتي رائع المعنى وأجدتي بدع مضمونه

خضع لك طايع المبنى وعزفتي للبيان إلحون = وأجدتي العزف بالمنظوم وأخذتي نادر عيونه

فلك قدرة ولك خبرة ومن طرحك فأنا ممنون = وأقدر صادق شعورك ووجدي عامر ٍ كونه

نبادل من يبادلنا تباريح الهوى يا نون =ولكن من عشق مثلي يكن ويخفي إشجونه

ما جور يا اللي فاقد ٍ شوف غاليه = بشهر الصيام وزود الإحسان وإقيام

يا نور حور الدور فالموت داعيه = ما ينثني وآجالنا وفق الأحكام

يا شاعرة حياك وألفين لا بأس = وغيبتك عنا نعتبرها طويلة

شعرك يترجم للمشاعر والإحساس= وعندك على قو المعاني وسيلة

يا مبدعة يا مبدية ضوح الأقباس = وفكرك يقدي من صوابه قبيله

حرف ٍ على المنهاج مبني على ساس = ونعت التميز والثناء يستويله

عيون الوفاء في غيبتك تقل حراس = ترصد حضورك رصدنا للمخيلة

لك موقع ٍ ما ياصله نايد الناس = يا نور حور ٍ ضافيات الجديلة

للشعر صرتي بعالم البوح نبراس = والشعر يشهد والمعاني دليله