وهج الشعر .. و .. بوح المشاعر ؟

مرحبه ومليون ببن الخالديه=عد مابالبيت ركوع وصيامي



ساحة الشعار مامن معذريه=يامساعد شوق ضبين بالعدامي

يا ضامية والهوى لو ننكره بانا = حيث ٍ جور الجوى يطرق محانينا
نجحد كيان الغلا لا تدري إعدانا = وإلا ترى ودنا يكبر ويشقينا

يابو سعد لاتخايل حوم بسمانا=وانتبه الحوم خوف لشوفك مايبينا

لو زرعنا وارد شوك محصوله لفانا=انحمد المعبود من خيره جنينا

أخفي جروح الهوى يا نور ظلمانا= مير إن سهم النوى بالنار يرمينا

ما بان لأهل الحسد يازين مرسانا= وإلا معك يا الغلا نكشف مراسينا

انبعد عن الديار الحسد وان بقانا=نشرب زلالن ما يجي فيه طينا


ونرقا مشاريف العلا مو بطيانا=يشهد لنا التاريخ لوان فنينا

من فوق سطح القمر يا زين ممشانا = ما ودنا وقتها حي ٍ يحاكينا

نبغى نعيش الهوى ونحقق أمنانا = أماني ٍ صار له عقدين تشقينا

إن ما تحقق مع الغالين مغزانا= نترك سبيل الهوى ما عاد يعنينا

عما يشين المسيرة نكرم إلحانا = لو كان صمنا وحبينا وصلينا