الطيب بالمـتردية ما يبين

‏ الطيب بالعالم المـتردية ما يبين
لو تعطي عيونك الثنتين تذهب سدا
ولو قلت لك كلمةٍ جزلة مع. الطيبين
يبقى لها بين كـل الناس صوت وصدا
والله واللي نصر جـنـده. بغزوة. حنين
أنا. نحـب الجمـيل ولا نحب. الردا
والقل ما ردنا عن واجـب الغانمين
نعطي لو انا نتسلف. للعشاء والغدا
والعذر مانقدمه لوكان عذرا سمين
لويرهن الواحد رقبته وحنا. سعدا
صفاة. عودٍ مورثها بدم. الجنين
والغصن ياخذ صفاة العرق اللي بالندا
واللي يخلف ولد وافي وذرب وفطين
من النقطه اللي انتها فيها ولده ابتدا
وناقف بوقت الشدايد. وقفة الصاملين
اعمق من البحر. واثقل من جبال الهدا
واليا. نتخينا بوائل كل قاسي يلين
حتى البحر. لويهيج اليا. وقفنا يهدا
واليا احتزمنا. وجينا من يسار. ويمين
ياسعد عين الصديق اليا وصلنا نحدا
ويلان دائم على المتميزه سابقين
انقدم ارواحنا. وقت الشدايد. . فدا
اما. نعيش بكرامتنا بجنباً. متين
والانموت بسبيل العز موت شهدا
ان ضاق صدر الدوينيه من ادنات شين
اسلم وسلم على الوافي. بعيد. المدا
اللي ان عقد عقدتن تبلش بها العارفين
ويحل عقده مشربكها. لعين. الجدا
‏يا هامتي لا كسبتي طيب تستاهلين
وليا خسرتي ردي. جعل الردي لك فدا

معيض بن عريفج