كرهت الناس كل الناس

اتمنى ان تروق لكم مشاركتي الاولى في عالم الشموووووخ
اقول الله علـــى الدنيا وش بيـــها نكد وهموم
..........سنين من العمـر مرَّت تعــب وايام تدميــــني

انا عشــت الطفـوله آهْ لكـن عشــتها مظــلوم
..........ضـاق الكـون بعـيوني وضـاقت تـالي سنيني

كرهت اللـيِّ يحبـوني كانـوا لي سهم مسموم
..........كرهت الناس كل النـاس كرهت بكلِّ ما فيني

ليـه النـاس ما ترحم وليـه من السـعد مهـزوم
..........وليـه الخافــق اللــيِّ داخـل اركـاني يناديــني

اقــول القـصَّه مـن اول قصّـة عاشقٍ محروم
..........قصَّه غيـرت مجـرى حيـاتي وكـلّْ عنـاويني

عشـقت بنيَّه ما ادري جمـال بأي قلم مرسوم
..........عشقــت اللــيِّ لهـا قلبـي يحاكـيها وتحاكيـني

لكن جارت الدنيـا وصـرت لعشـقها مرجـوم
..........رجعت لماضي اتعبني وراحت كل بساتيـني

ناسـي وكـل خــلاني قالــوا فيــها كـل عـلوم
..........عـرفوا كـل اهلها مين وعرفوا انها تراعيني

قالـوا نعـرف المنـبَتْ ونعـرف أصـلها بعلوم
..........وصـار العـم يتفلـسف وقـال النــار تكـوينـي

قال البنــت مبلـيَّه وابوها من السـعد محـروم
..........قلـت البنــت يا عمــي سعـــاده دوم تسقيــني

قـال ابـوها لا تقـرب ابـــوها كلمــتهُ لعـــثوم
..........قلــــت ابـوها يا عمــي لا اعنـــيه ويعنــيني

قال الخـال ما هـو زيـن ماله كلـمه بين القوم
...........قلــت الخـال وش لي بيـه همُّـه لا ما يبكيني

قال اسكـت لا تزعْلـني حواليـها لا ما تـحوم
..........لا تفـكر تقــرب منـها ولا تقـرب سكاكيــني

قلـت الله ويـن ابوي ويـن اللـي قلبـُـهْ رحـوم
..........ويـن امي ويـن اللـيِّ نظـره منُّــه تشــفيــني

من عمـري ثلاث سنـين ولعمـي انا محـكوم
..........ما شفـت السعاده يـوم وحرمة عمـي تشقيني

لا ليـله نمت شبـعان ولا ليــله لـذيـذ الـنــوم
..........ولا يــوم تهنــيت بضحـكه ولا غطاه يدفيني

كان الوصي لي عمي ومن رزقي انا محروم
..........قلـت لعمـي يا عمـي حــق ابــويا تعـطـيـني

حقي يا عمي وانتَ قسـَّمت الرزقه بقـسوم
..........قــال الرزقـه تربـاتك لازم انــت ترضــيني

صار الهم ليَّ حمول وكني بالخـتم مخـتوم
..........ليـت الموت ياخـذني وجـوَّا لحـدي يرميــني

كرهت كل اللي ماتوا وخلوني مليـان هموم
..........كرهت الناس كل الناس كرهت بكل ما فيني

كلماتي اخوكم فايز الحسبان

مصافحة أولى رائعة

فايز الحسبان

صح لسانك وسلم بنانك

كل الود والورد لك