السلام عليكم ورحمة الله وبركاته
أسعد الله صباحكم او مسائكم بكل خير هذه رابع مشاركه لي في هذا المنتدى الشامخ وأتمنى أن تحوز على رضاكم واستحسانكم وباب النقد مفتوح 🌹
سرى الليل وهمومي معي حبت المقعاد
ووسع الصدر روح وخلا معازيبه
ونار الغضا قامت بوسط الحشا تزداد
وعيني تقول النوم وش عادي ابغيبه
تبي شوفة الي شوفته ثالث الاعياد
سبب هم قلبي وانشغاله وتعذيبه
يا مملوح قربك للهواوي دواء وضماد
وجودك دواء جرح ن مداواته صعيبه
احبك مثل حب البدو شوفة الرعاد
بعد ما انشفت الاراضي وطول الغيبه
وابي حضرة المزيون ياتي بدون عناد
حسين الوصايف صدق العذل من طيبه
ترى ما يعذلك عن وليفك سوا حساد
يشب الفتن بين الاحبه باكاذيبه
وهذي الحقيقه يا وليفي نسل الاجواد
ونور الحقيقه دايم ن يجلي الريبه
كلمات:عايض الاكلبي
الإهداءات
سرى الليل وهمومي معي 
العرض العادي
المواضيع المتشابهه الموضوع: سرى الليل وهمومي معي 
