الوطن مغروس حبه في فؤادي
حب صادق ثابتٍ مافيه شكه
موطني دار السلام وبه تنادي
مهبط الوحي العزيز بجوف مكه
مملكة عز العرب هذي بلادي
دار سلمان العرب لا صار ضكه
يعتزي بالمملكه يوم الطرادي
ولا يحّسب للعدو خصمه يدكه
خلفه محمد شجيع وبه عنادي
ومن يعادي مملكتنا جاه صكه
دارنا دار الشرف واهل المبادي
ومن زبنها خايفٍ جانا .... نفكه
صوتها مسموع في كل النوادي
واسمها عند الدول في كل سكه
🇸🇦🇸🇦 موسى العنزي 🇸🇦🇸🇦
خبر اللي طامع(ن)جانا ينادي
يحسب إن الفرس والتركي يفكه
قله انك ياسويد الوجه غادي
الوطن نحميه والعايل نصكه
الوطن دونه ارجال(ن)تفادي
محتمينه دون ريب ودون شكه
بالسلاح وبالرواح وبالعتادي
نرجف المحتال والغازي ندكه
لانتخى سلمان مع قدح الزنادي
واحتزم من دون طيبه وارض مكه
مع ولي العهد والفعل الوكادي
العدو يرميه والعايل يركه
فوق صعدة كنهن سرب الجرادي
روحن من كل صوب وكل سكه
إبراهيم شويش الرسلاني
الإهداءات
اليوم الوطني88 صوت وصدى 
العرض العادي
المواضيع المتشابهه الموضوع: اليوم الوطني88 صوت وصدى 
