|
النصيحة اقدم لكم احدى قصايدي وهي عباره عن نصيحة عسى ان تحوز على رضاكم
سج القدم لين اعتلا رأس مرقاب = وهز الخفوق بذكرياتن قديمه قلبي يريد الود والود غلاب=حتى ركب ودي وشوقي طميمه باللي ليمن الزمن كشر الناب=يضرب زماني بالسيوف الصريمه اخوي سيف العز قطاع الارقاب=سيف الزعيم اللي يساند زعيمه لوغاب عن عيني عن البال ماغاب=الوصل ذعذاع الهبوب ونسيمه قلت انصحه وأفك لمناصحه باب=نصايحً بين الحبايب عظيمه سج القدم عن مجلس فيه تغتاب=وابعد عن اهل الثرثره والنميمه وأهل الرخى لاتحطها بالقفى أصحاب=فارق مجالسهم يمال الغنيمه وان جوك لاتبدي لهم أي ترحاب=واحذر تروح ان جتك منهم عزيمه والحق قوله كان للحق طلاب=كتمان قول الجق اكبر ظليمه لاتستحي منهم لو اغضبهم اغضاب=لاترتكب في حق نفسك جريمه شرواك رجالاً يحسبله احساب=رجال له عند الرجاجيل قيمه وان كان مالك مع اهل الشر مشعاب=اسرج عنان الخيل وشداد ريمه واحذر عدوك لو يهيبك لاتهاب=ولاتبين في وجهك مواري الهزيمه خلك عظيمن سطوته ترهب ارهاب=وخلك علاجن للجروح السقيمه وخلك صريحن لينن تكسب اصحاب=اصحاب تربطهم علاقة حميمه وافزع لمن جالك من الوقت منصاب=وخلك زبون اللي زمانه خصيمه ودار الخفوق اللي لياطبتله طاب=لاشفت لك عنده معزه وشيمه وادمح خطاء صاحبك واقبل له عتاب=واسلك دروبن واضحه مستقيمه ولياهرجت اصدق ولاتصير كذاب=الكذب لرجال عاده ذميمه واسر لاتبينه حتى للاقراب=خل السراير بالحنايا مقيمه وعن الحرام ابعد وجنب تجناب=والنفس طوعها لامورن كريمه ود الحقوق اللي على الكاهل صعاب=ورد الودايع يم اهلها سليمه وارفع يديك لخالقك رب الارباب=واسجد لمن منعم عليك بنعيمه وخلك مع اهل الحق لاصاروا احزاب=الحق واهله فوق ماحدن يظيمه ولاتستمع لمسولف الهرج ؤش جاب=والصمت اخير من الحكي والشتيمه وان جتك شلفا الغدر من كف الاقراب=ذب الك عن جرح القرايب خريمه وان جتك شلفا الغدر من كف الاجناب=اطعن بشلفا الغدر صدر البهيمه ووقف مواقيف على غيرك صعاب=وخلك على الشدات عندك عزيمه وسجل حقائق واقع العرف بكتاب=كتاب يحوي له سطورن عظيمه وابحث عن الواقع ودور له اسباب =ولاتستشير الا العقول الفهيمه والبعد جرحن ماتداويه الاطباب=لاصارت دروب المواصل عديمه والبعد يبقى نوب فكاك الانشاب=ماقسى عذاب البعد ومحلا نعيمه وراع الهواء شوقه على راس مرقاب=اسمع صدى صوت الوله من صميمه وانظرلدمع العين من بين الاهداب=من فوق خده مثل دمع اليتيمه وماحلا صدوق الوسم لهل سكاب=همال غيث منبعه مزن ديمه وياكثر شوقي لك وانا توني شاب=شوق سكن بالقلب والله عليمه والا انت لك شوقن للارواح جذاب=شوقن عطاه الله ملامح وسيمه ذكراك بين الناس تعجبني اعجاب=واشتاق لك شوق الغريم لغريمه ورجاى باللي من ترجاه ماخاب=سبحان من يحي العظام الرميمه انه يديم اللي له القلب طلاب=اللي ظلاله كنه مزون غيمه والناس تحكمها مفاهيم وداب=واللي تعدى الحد ياخذ قسيمه قلت انصحه وافك لمناصحه باب=نصايح بين الحبايب عظيمه نصيحة مني حوت صفحة كتاب=انصح بها خويه عسى الله يديمه الشاعر/عواض معوض |
وخلك صريح ٍ ليّن ٍ تكسب اصحاب اصحاب تربطهـم علاقـه حميمـه وافزع لمن جالك من الوقت منصاب وخلك زبون اللي زمانـه خصيمـه ودار الخفوق اللي ليا طبت لـه طـاب لاشفت لـك عنـده معـزه وشيمـه وادمح خطآ صاحبك واقبل له عتاب واسلك دروب ٍ واضحـه مستقيمـه .! : لله درك الشاعر المبدع والرائع عواض معوض لله ما أروعك وما أروع هذه القصيدة المليئة بالجمال والحكم والنصائح صح لسانك مدد بلا عدد وكل عام وأنت بخير كل الود والورد لك مع التقدير |
اقتباس:
اخوي عواض معوض صح لسانك وعتلا شانك علي لبوح الراقي لاهنت وننتظر جديدك تحياتي لك |
الرائع عواض معوض صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك |
الرائع عواض معوض صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك |
صح الله لسانك وسلم بنانك ابيات رائعة بروعة حضورك وتميزك لازلنا ننتظر الجديد من ابداعاتك وتقبل كل التقدير |
القدير عوض معوض صح الله السانك واعلى شانك تقبل الورد سامي احمد |
رد: النصيحة صح الله لسانك وسلم نبضك الراقي قصيدة رائعه بروعة تواجدك لازلنا نطمع بالمزيد من ابداعاتك وتقبل كل التقدير والاحترام |
| الساعة الآن 08:50 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011