حرام تجرحني ! للتواصل

لا تحذف الناس بحجر وأشوف بيتك من زُجاج=لا صار بيتك من حجر ! حذّف ولا همك أحد !
توعد وتخلفْ بالوعد وأجيك وأفِل الحجاج=وتزعل عليّ ولا ذّكر إني يوم خالفت الوعد
أسقيك من وصلي قراح الهرج وأذوق الهماج=وأمدّ كفّين المحبه وأقترب منْك وتصد
من كثر ماحبك وأفكر فيك .. دايم فيك ساج=ولا قيل ويش اليوم قلت السبت .. وحنا بالأحد !!
مشيت درب الحب لو دونه غرابيل وعجاج=هجرك عجاج .. وشفت من هجرك .. غرابيل ونكد
كنت الوحيد اللي سكن عيني وفوق الراس تاج=لا واحسـافه ليتـنـي طعت الضمير ومبتعد
جرح الجفا فيني عطيب ولا لقيت إله العلاج=(حرام .. تجرحني) وأنا وافي معك إلى الأبد
سراج حبك مِشعله لاكـنّ طفيت السراج=مع الســلامه .. والفراق آخر حلول اللي صمد