يا حلمي العابر
يا حلمي العابر ، اتعبت الامل في رجاك
ابيك واقع ، بدال الواقع المندمر
حرارة الشوق ، تبرد عند لحظة لقاك
وعاد انته ادرى بدرب الشوق كله جمر
قهويتني بـ اول ليال الهوى من حلاك
والحين ما عاد به قهوة ولا به تمر
( ليتك تمر ) دايم اتغنى بها من وراك
وصوتي ترى بح وانا اقول : ( ليتك تمر )
عطني سبب مقنع يبرر سبائب جفاك
ما عاد يغنيني عن شوفتك شوف القمر
دام الاماني مطر وتهلّها من سماك ؟
ابي طوال السنه غيم الامل منهمر
ما دام انا اللي يشوفك عن سواك الملاك
وما دام انا في غرامك تايه ومنغمر
اللي يحبك يحب يعيش عمره معاك
لنه يشوفه معاك اجمل فصول العمر
واللي خلقْك وجعل بين الحنايا غلاك
ان الحزن من غيابك طابعه مستمر
تعال وارسم على محيا الفرح من وفاك
وخذ ما تمناه من عمري وتامر امر
خالد حمد
الإهداءات
يا حلمي العابر 
العرض العادي
المواضيع المتشابهه الموضوع: يا حلمي العابر 
