شبكة الشموخ الأدبية

لاتنتثر يامحجر العين بذلال=منت بترى من تافه الناس معذور
وماراح تمطرلي من دموعك زلال=وماراح ينبت لك ثرى خدي زهور
انت الكلام اليا سكت منطق الحال=وانت الحقيقه لا كذب شاهد الزور
يامداوي الوحده مع الليل لاطال=راحة وحيد من عنى الوقت مقهور
مافاليالي واخر الثلث لي بال=ياما الفرج شكاي من صبري قصور
دمعي تعبتك ملني فيك واحتال=واجبر تني يادمع اخليك ماسور
وان طالتك جدران الايام بضلال=ماهو لزوم انه وراها سطع نور
ياما ابتسم متبسم ضحكة هبال=وياما بكى الباكي بالافراح مسرور
وين انت ياعود تعدتك الاجيال=وانشدك وش ودك لوتعود بالدور
كان اتجاوز بالمنى روس الامال=واعيش بالجيلين عمرين وعصور
واركب فضى واسبح فضى اقول يامال=يامال مريخ السعد دوني عبور
واعلاي لسجودي ولاني بمتعال=رمل الشرف في جبهة العبد ماثور
ياهاه ياماني تكلمت في فال=ماني على فك المغاليق مجبور
وماكل مايعرف ترى دوم ينقال=نوبن ترى الحرفين عن عشرة سطور
ولوتنتثر يامحجر العين بذلال=منت بترى من تافه الناس معذور
الشاعر=فايزالوحداني