عزيزتي مسيو ....
كل الشكر لهذه الدعوة الكريمة منك
واسمحيلي تاخري
فقد كنت منذ يوم الخميس في المستشفى من جديد
وخرجت هذا الصباح على مسؤليتي
وسأقوم بالرد على موضوعك فقط لأرتاح من جديد
1_ماتسلسلك بين اخوانك؟
انا الثانية بين 8
2_عشت طفوله مستقره ام متوتره؟
نوعا ما مستقره والحمدلله
3_هل كنت طفل أكول(تحب الاكل كثيرأً)؟
امي تقول ما كنتي تخلين ( ايدام) ع العيش الا وتاكلينه
4_هل كنت مشاكس(مشاغب) أوهادئ (طيوب)؟
كنت مشاكسه بس طيووووبه
5_أكثر الأماكن ياخذك له امك وابوك؟
سينما الفردوس كنت رومانسية واموت في الافلام الهندية
6_حلم طفولتك شنو كنت تتمنى تكون لو كبرت؟
مدرسة لغة انجليزية وحققت هالحلم بحمدالله
7_لماكنت تروح للبقاله إللي جنب بيتكم شنو الشي دائما تشتريه؟
مارس بو قرطاعه سوده وبيبسي
8_لما ماما تقول لك ابي اسبحك (اليوم تتروش)شنو شعورك تبكي أو تستانس؟
كنت اتنحش او اسوي روحي نايمة لفتره بسيطة ..بس يوم صار موضة البانيو كانوا يطلعوني غصب من الحمام
9_ماهو شعورك اول يوم الدراسه؟وشنو صار معك؟عالم جديد بالنسبه لك؟
كل اللي اذكره انه حطيت شنطتي بصف وقعدت بصف ثاني وبكيت طول الدوام واناادور ع الشنطة
10_ماهو حيوانك المفضل في الطفوله؟
مو بس بالطفوله حتى اللحين .. الصقر والقطة
11_اذكر موقف محرج صار لك ولما كبرت دائما تتذكره وتضحك على نفسك؟
كنت من محبي ( لحس ) التراب من بين طوب الحوش
ووالدي رحمة الله عليه عطاني ( بالنعال ) على خشتي لين نسيت هالسالفه
بس امي تقول قعد زعلان على هالشي مده طويله لانه ضربني
12_منو كان يحبك أكثر ويدافع عنك أمك او ابوك؟
ابوي الله يرحمه لاني كنت بنته المدلله لثلاث سنوات بعدين وصلوا باقي المجموعه
13_أكثر لعبه تحبها وتلعبها؟
الحجلة
14_منو كان يضربك بالطفوله وتضايق منه على شرط بعمرك؟
اوف .. ولد خالتي كان حاط دوبه بدوبي دايما لين طقيته مره ونسى بعد اسمه
15_كيف هي علاقتك مع أخوانك كلاً على حده اولاد _بنات؟
نظرا لمرض والدتي الدائم كنت انا الصدر الحنون للجميع حتى والدي
16_منو الشخص اللي كنت تخاف منه وتعمله الف احساب؟
طبعا الوالد رحمة الله عليه ع الرغم من كونه ديموقراطي جدااااااااا
17_ماهو أكثر الاماكن اللي انت تحب تروح لها؟
حديقة الحزام الاخضر عشان نشتري من جنبه بوظة هارون الرشيد
18_كنت طفل إجتماعي أم انطوائي؟
اجتماعية من قلللللللللللللللللللللللللللللللللللللب
19_ماهو اسم الدلع(طبعا اذا راضين عليك)وإذا صار العكس؟(يعني المعياره)؟
بتمبة ........لما معصبين
قمورة .. لو راضين
20_إذاكان عندك حلويات تعطي أخوانك معاك؟يعني(بخيل أو كريم)؟
اييييييييه كانوا يقصون علي بسرعه اعطيهم كل اللي عندي(خبلة)
21_كان شكلك حلووو أو احليوو أو جوكر ماتنبلع؟ههههههههه
لا والله كنت مزيونه ولا زلت ( ابوج يالثقه )
22_ماهي الهوايه اللي تحبها ونَمت معاك الى حد الكبر؟
الكتابة والغناء
23_ماهو الشيء اللي سويته وندمت عليه لما كبرت؟
كنت اسوي روحي صايمة برمضان واندعس جنب الثلاجة واكل
24_هل كنت متفوق بدراستك وإي مقعد تجلس؟
الحمدلله كانت دراستي تمشي حسب المطلوب وكنت دايما اقعد ورا اخر الفصل لاني طويله
25_هل كنت مدلل في طفولتك او لا؟
جداااااااااااااااااا
26_ماهي الاغنيه او النشيده تحفظها بطفولتك ولغاية الان؟؟؟
فنان ولكني صغير فنان فنان فنان
ألحاني الحلوة اتجلجل وترن في كل مكان
اسمعني اسمعني شوف صوتي ولحني
لاا لاا لالالالا لاا لاا لالالا
ههههههههههههههههههههههههههههههههههههه
يحليلج والله زي الهبلة انا اغنيها هنا لحالي
27_كنت طفل مغرور أو غيور؟
لا هذا ولا ذاك الحمدلله ...
تسلمين يالغلا .. رسمتي الابتسامه على شفاه متالمة
الإهداءات
العرض العادي
المواضيع المتشابهه الموضوع: للطفوله ذكريات*** 
