تعبت اداري

تعبت اداري دمع عيني واجاريــــــه= دنيا ما تســــــــوى ان صرت زعلان
اللي حصــــــل ماهوب ودّي ولاابيه=ولو هو بكيفي ما امسيت عشـقان
الوقت يمضـــــــــي وما لنا رجاء فيه=اطرد ســـــراب الوقت دامك فرحان
لهيب اشـــــــــواقي حاول انك تِطْفِيه=وداوي خفوقــــــــــــــــــــي برمش دبلان
تدري غـــــــــــــــــــــــــلاك اذا زهم البّيه=ويفز قلبي لك ويصـــــــــــــــير شفقان
يا اللـــــــي حياتي دونك تيه في تيه=الناس هجعا ويمضي ليلي ســـــهران
خل قلبك بالــــــــــحنايا العوج ادفّيه=وخل حضــــــــني بيته وصدري عنوان
الشين شــــــــــــــــــــــينٍ لوإنك تحنّيه=والزين زينٍ حتى ان كان نعســان
زينك طغى وشـــــعرك اللي مربيه = يهبه الهواء من فـــــــــــــــوق الامتان
والخصر ناحلٍ عودٍ اســــــــــــــــــــميه=وصــــــــــــدرٍ جبل من فوقه بركان
وعيونك عين الـــــــــريم اللي بروابيه=والخشم سيفٍ كنه بيد فرســان
والله احبه بروحــــــــــي وقلبي افديه=وما حَبِّ قلبي غيره قط انســــــــــــان
غير النبي محمد والصــــــــلاة عليه=سَـــــــــيِّد ولد آدم في كل الازمان