إعذروني
اتت كذلك من سوسنة قهر!!!!!!
يا شادي الألحان و خفيف الظل
عليك من بعض السوالف شماته
لا عاد به وردٍ ولا عاد به فل
ذقـتوا من الحنظل مرارة نباته
أشغلتوا العشاق بالحطـّ و الشل
مدري زيادة شوق وإلا إنفلاته ؟
واللي شراك العام من شوفـتك مـل
يالنايم اللي ما صحى من سـباته
ما ملّ من درب المحبه و لا كـل
له نظرة ٍ بأهل الهـوى و إلتـفاتـه
اليوم شاورنا على الربط و الحل
يحسب جميع الناس تمشي سواته
متبلّد إحساسه ولا عاد به دل
في ساحة العشاق تومي عباته
وراع السوالف لو يسولف على الطل
لا ذاق من دجــله ولا من فــراتــه
يفلّ صفحات البشر بالحكي فل
عايش على اللي فات من ذكرياته
وأنا أحمد الله ما بقى داخلي غـل
قلبي مع أهل العـقل حافـظ وصاته
عزيز نفـس ولا بعد عـشت في ذل
والرجل لولا عـزّته وش حياته ؟
فهد البدر
الإهداءات
شادي الألحان 
العرض العادي
المواضيع المتشابهه الموضوع: شادي الألحان 
