|
بنت الوفي والله وأنا بنت الوفي كاسب الطيب اللي يمد الطيب من طيب كفه إني مقرّي في علو المراقيب مشراف ماغيري من البيض لفه ويا الليّ تدور في خفاية عذاريب وتنقض هروجك مثل نقض المهفه ماابحثك لاني أعرف المواجيب مااتبع هروج المبغضين المسفه اللي علاقتهم على الشك والريب أهل العقول الناقصة والمخفه خلاني اكشف ماتبين من العيب مايعرفون الحق ولاهم بصفه لكنني شمت ورقيت المهاضيب وتركت قاع الأرض للي تضفه والطايلة والواجبة والتراحيب للي أنا غاية مرامه وشفه مالي بغيره ياقصيدي مطاليب اللي يرف القلب له الف رفه وأنا همومي بالليالي محاضيب جاني بقلبي من غثاها محفه وكسبت! منها فالصعيبة تجاريب زادتني فوق الصبر حشمة وعفه لاني من أهل الطيب متوارثة طيب وترجح موازيني على كل كفه #مها_الجهني |
رد: بنت الوفي كل حروف الترحيب والتقدير تقف اجلالا واحتراما لاشراقة الزميلة الشاعرة القديرة مها الجهني والتي انضمت الى شبكة الشموخ الأدبية |
رد: بنت الوفي الرائعة مها الجهني صح لسانك وأعلى الرحمن قدرك وشأنك وأبدعتي في سمو حرفك وقوة بيانك |
رد: بنت الوفي ، مها الجهني .. حياك الله بيننا في الشموخ بانضمام من هم بمثلك نفخر ، صح لسانك وفكرك وقلمك ودمت ودام الجمال في نبضك .. ، |
رد: بنت الوفي والنعم فيك شاعرتنا مها الجهني وفي الوفي كاسب الطيب حفظكم الله جميعاً وأبقاكم في خير وسعادة أبدعت وتميّزت نص جميل ونخبوي لا عدمناك |
رد: بنت الوفي صح لسانك شاعرتنا وبيض الله وجهك واعلى شانك |
رد: بنت الوفي اختي الغاليه هلا وغلا فيج والف نعم بالطيبين وصح لسانج وعتلا شانج |
| الساعة الآن 01:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011