اعضاء وزوار صرحنا الأكارم
اليكم هذه المحاوره والتي جرت بين
الشاعر الكبير والاعلامي المعروف
* عبد العزيز الفدغوش
..
و
الشاعر : عايد السميري
راجيا أن تحوز على إعجابكم
_______________________
___________ عايد السميري:
سلام والمعنى على قمة جبل / وأحدٍ يبا ياصل واحد دونه يطيـح
......................هالعلم عني واسمعو يالحاضرين/ واللي عقد روس الحبال يحلها
احدٍ بهالدنيا نزل واحدٍ رحل /والناس قالو مايصح الا الصحيـح
............................والحق يالفدغوش مايرضي اثنين /واللي عقد روس الحبال يحلها
_______________
عبد العزيز الفدغوش :
يا مرحبا باللي بدأ ضد الجهل /في منطق ٍ به طب للقلب الجريح
............................جسّد وفنّد منهج ٍ للسامعين /واللي عقد رؤوس الحبال يحلهـا
اللي نزل و اللي رحل دربه سهل/ واعتزبك ياراعي الوجه الفليح
.........................ولا نتبع بين الورى للمرجفين /واللي عقد رؤوس الحبال يحلها
__________
عايد السميري
فيك البقاء يابو سعد واللي حصل / بالشرق الاوسط نار مبداها قديـح
...........................تخطيط مدري جت كذا والله يعين / واللي عقـد روس الحبـال يحلهـا
من زل قلنا له .. لا .. لا .. هذا زلل / وابو صراحه يقبل العلم الصريح
............................واليا قرينا الفاتحه قولو أميـن / واللـي عقـد روس الحبـال يحلهـا
________
عبد العزيز الفدغوش :
راعي عشيرة يوم دوّر للبدل/ حتم على سدران مـع راعـي وضيـح
..............................دبر وقدر للعزيـب وللقطيـن/ واللـي عقـد رؤوس الحبـال يحلهـا
سدران ساير بالعمل رخو العضل /حتى انتشى من البهرجة غير المديح
...............................والنوخذة في مركبه عنده يقين /واللي عقـد رؤوس الحبـال يحلهـا
___________
عايد السميري:
حرب البسوس اسباب ناقه والزعل / مع كبرياء كليب لين اصبح ذبيح
..................................وهذي بدايات السنين الاربعين / واللي عقـد روس الحبـال يحلهـا
عندك خبر ياشيخ وش قال المثل / ( قفل مناسم باب منه تجيك ريح )
................................واقر.. وتأمل في رياض الصالحين / واللي عقد روس الحبال يحلهـا
____________
عبدالعزيز الفدغوش:
قبل الربيع المرتجا هاج الفحل/ واحكم بقيده مع هجاره يستريـح
................................نرسي لها مادام فيها مبتلين/ واللي عقد رؤوس الحبال يحلهـا
من سار باعداد وعتاد ٍ ماجفل/ والمنتصر لو ينثني خصمه يصيح
...............................وللمعركة درعٍ وطاس ٍ مرتدين/ واللي عقد رؤوس الحبال يحلها
___________
عايد السميري :
كوكب بلوتو/ مع عطارد / مع زحل / تطاردن رغم الفضاء الكاين فسيح
..................................والارض دارت والاوادم صامتين / واللي عقد روس الحبـال يحلهـا
في معركة حطين من كان البطل/ وش جاب هالطاري بالهوقت الشحيح
.................................وعن حايط المبكا تعلمك السنين / واللـي عقـد روس الحبـال يحلهـا
__________
عبدالعزيز الفدغوش :
( نبتون ) قرب والا بعد مامن وجل / وزيد المسمى بالغوى خاوى متيـح
...............................ولا تبتهر من صمت ناس ٍ مدركين/ واللي عقـد رؤوس الحبـال يحلهـا
( قطر ) العرب صلى وكبّر وابتهل/ و( قلب الاسد ) بالمعركة خلي طريح
..............................والعاقبة بامـر الولـي للمتقيـن /واللـي عقـد رؤوس الحبـال يحلهـا
الإهداءات
بين الفدغوش والسميري ...!!! 
العرض العادي
المواضيع المتشابهه الموضوع: بين الفدغوش والسميري ...!!! 
