بسم الله الرحمن الرحيم
والصلاة والسلام على أشرف خلق الله
أما بعد :
قال رسول الله صلى الله عليه وسلم :-( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
النص :
.
.
.
الضيق داء ٍ مُزمن ٍ وأول مواريه الخمول
إليا ظهر بالآدمي سلّم على نفسيّته !
النفس يقفاها التعب والجسم يقفاه النحول
من الهموم الموجعه والحزن مقوى طيّته
الهمس أنا صرت أسمعه مُـزعج مثل قرع الطبول
وليت ياضيق ٍ طغابي وألحقتني كيّته
محد ٍ يضيق إلا بسبب مْنه التعب يا أهل العقول
حتى السبب سبت سبب متسلسل ٍ بآذيّته
إيه أعتلي بالصوت دون الحق لا ماني خجول
ليه أنحسب ضمن الذي (منهزت ٍ شخصيّته) !!
أعرف طريقي .. وأعرف الحدود .. وأعرف ما أقول
ماني من اللي مايميّز عشرته من ميّته !
(( أهــب ! ياجيل ٍ طلع فيه الرجل ينقال كووول
رجالهم لو بوصفه شكله تقول أوخيّته ))
الرجل لامنــّه خطا بالأوله قلنا جهول
وإليا خطا بالثانيه ! نشره على تربيّته
رجل ٍ مايلبس ( غترته وإعقالها ) ماله قبول
بين الرجال ولا ..لفى.. محد ٍ يقدّر جيّته
بعض التطوّر مهزله .. ماهو على حسب الأصول
يوم ٍ تقل خير ٍ لنا ثم تنكشف مخفيّته
الجيل هذا مسأله صعبه ولا فيها حلول
بسم ( الحضاره ) يدّعي كلن وله حريّته
لا والله إلا حال الأمه من نزول إليا نزول
وفخ التطوّر ياعرب صار الضعيف إضحيّته
دم العروبه منهدر والصبر لا يمكن يطول
في عين منهو دايما ً للحق ثار إحميّته
فكر ٍ غزا جهل العرب من غير سيف ولا خيول
( يحاربون اللي من الله تاب وأمحى سيّته )
أجلس مع ( مطوّع ) وأتابع وأستفيد إبما يقول
أخير من جلست فراغه والمشاعر ميّته .. !!!
لو البشر تمشي على درب الصحابه والرسول
ما كان تلقى تايه ٍ تاه بدروب إمهيّته
(( بكره نحوّل بالغصيبه من على إشداد الذلول
ولو ينتهي نفط الخليج الغرب يظهر نيّته ))
كلن لهى في دنيت ٍ لابد من يوم ٍ تزول
خلق ٍ نسى خالق خلق وإهما تحت مُلكيّته ...
شعر \ نواف الشويّب .
الإهداءات
لا هروب من الواقع ولا خوف َمن الصدق ولن أصمت دون الحق مادمت حيا ً على وجه الأرض ... 
العرض الشجري
المواضيع المتشابهه الموضوع: لا هروب من الواقع ولا خوف َمن الصدق ولن أصمت دون الحق مادمت حيا ً على وجه الأرض ... 
