السلام عليكم ورحمة الله وبركاته
قصيده لكل شخص ضاقت فيه الوسيعه مثل ما يقولون
و يعتبرها نصيحه مني له
تجيني تشتكي واذّكرك باللي له المنّه
تدور للسعاده باب جاك الضيق وازعاجه
ذبل ورد التفائل فيك و اشواكه بكت ونّه
غرقت فـْبحر ضيقك والبحر غدار بأمواجه
ودمعك جف في عينك و دمعك مادرو عنّه
وعمرك ساري ٍ بك غلفك وقتك بأدراجه
تحس انك مثل عاطل فوسط البر معه بنّه
تكدر يوم جا يزهم ولا تسعفه أبراجه
تقول الهم كسرني واقول الظن من ظنّه
ظلام الليل في عينك تشوفه مشعل اسراجه
طواك الوقت واحزانك تغني بك على الكنّه
ترى سجان نفسه لو طليق مضيّع افراجه
نصيحه واسمع بعقلك وتابع عقلك بفنّه
ونفسك لو تطاوعها تراها دوم محتاجه
اذا تبغى سعاده فالحياه و تظفر الجنّه
خشوعك في صلاتك كنّها وياه تتواجه
ترى من يبتعد عن ذكر ربه ناظره كنّه
يدور حاجةٍ للحين ما يدري وش الحاجه !
عماد السرحان
ealsarhan
الإهداءات
ما يدري وش الحاجه ! 
العرض العادي
المواضيع المتشابهه الموضوع: ما يدري وش الحاجه ! 
