شبكة الشموخ الأدبية - رديه بيني وبين عايد الوعيس

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - رديه بيني وبين عايد الوعيس (http://www.alshmo5.com/vb/t41871.html)

رديه بيني وبين عايد الوعيس

هذي قصيده جتني من الخ عايد

يسعد صباح اللي لها بالغلا شأن
من لابة ترهب جميع الخصومي
ويلان من يقوى على حرب ويلان
حتى الشجاع يقول ماهو لزومي
يا ضاميه والشعر بالجوف غدران
تحيزمي يا بنت عمي و قومي

عايد يصيح الشوق من كثر الاحزان
ولا عاد في صدري صديق كتومي
كن السهر رمح طعن طفل الاجفان
ينزف ارق يطعن معاليق نومي

وكن الصبر ثوب بلا لكثر الأكوان
كون ورا كون ورا كون يومي

والله لو ضيمي على جبال عممان
كان هدلت مبطي بحفنة همومي

يسوقني وقت الرخا سوق بهتان
لكن وانا خيج فلا شان يومي

رافع احجاج واضحك بوجه ولسان
ما بان حزني للردا والرخومي

انا ولد منيف من قوم شجعان
الحميد يا ناشد عن علوم قومي

فدعان شجعان على القوم قومان
مع الصديق سيوف نفزع وشومي
و من شفت شان الوقت عايدج ماشان
نطحت موج الغرب وااعرف اعومي

روضت أمواج البحر مثل قبطان
و قززتها ما بين رومي و رومي

لكن وحق اللي رفع سبعة اجنان
اصد عن درب الحرام واشومي

لا بت في دسكو ولا اصبحت سكران
ولا خالطت ريح العفونه هدومي

اخاف من رب على العرش سبحان
واحفظ صلاتي وان غدت زدت صومي

ما شفت مثلي طير من دون جنحان
طار و تعلا فوق ذيج الغيومي

عايش بصحرا لو حواليه بستان
اضحك و دمعي بوجنتي صار دومي

مبطي وحزني خانق الصدر للان
من ينقذ الاحزان من صدر يومي

يا شاعره والشعر مو بحر واوزان
الشعر لو هز القلوب الرحومي

جاج السلام و مقصد الهرج قد بان
والشعر يفضح خافيات العلومي

وهذا ردي عليه

يا مرحبه با لنصاني من الخوان
يا مرحبابه عد وابل الغيومي

وعداد مابالرض مصلح وكوان
وعداد نبتا علي الارض يومي

وعداد مابالكون راضي وزعلان
وعداد ماخط القلم بالرسومي

وعداد رمل الرض وعداد المزان
اللي بعثلي حروف فيهن نظومي

امنظمه وجزلات وقويات بوزان
من شاعرا مقدام ابشعره قحومي

ماخذ اسلومه من خوالا عمان
من لابتا لها الفخر والسلومي

من واحدا يشكي همومه ولاحزان
يقول في قلبي حطاتن الثلومي

هجوس في قلبي مافيه وجدان
واسامره اللصبح وعيا يقومي

تشكي وانا اشكي وكتا علي شان
قاسي علي ياخوي ماهو رحومي

الو شتكي همي علي ابحور الكوان
هدت امواجه ساكنه ماتعومي

الو اشتكي همي علي اجبال عمان
هاجت ولاجت وختفت من همومي

ومن خلقتي ماشفت يوما علي زان
عيا يتنا ساني ويذري سمومي

تذرف دموع العين من فوق الوجان
والكبد عيت عن لذيذ الطعومي

اضحك مع العذال لو كنت منهان
خاف يفرح عاذلا بي شتومي

ابشر ابعزك ياسلايل اكحيلان
من لابتا ماهي ردية اعزومي

وكانها بالجاه لاجيب شجعان
الكل من هم بالشجاعه لزومي

وان كانها بالمال اعطيك العيان
عطيك مني الروح باقي هدومي

ويا عايد كان خلك جحد وخوان
خله يوالي قبل تسمع اعلومي

ونكان خلك مخلصلك وشفقان
بالك تهون فيه وخلك زحومي

وشكواي اللي خالق الانس والجان
الواحد المعبود هو ليه يقومي

رب الملا رب المخليق رحمان
يفرج اللعينا حاربة لاذ نومي

الشاعره ضامية الود