خيانه .. مما خطّه قلمي ورسمه احساسي
 

http://store1.up-00.com/2015-12/144936571141.jpg

مما خطّه قلمي ورسمه إحساسي
ياللي غزيت الروح ثم استحلّيت
روحي وتفكيري وقلبي حنانه
لا ما هقيتك بالخيانه تحلّيت
ما همّك اللي يندلق لك حنانه
أنا اشهد أني في وصالك تماديت
أمّنتك أعماقي وخنت الأمانه
يا من بغدرك والهجر دوم وفٌيت
أبعد بعيد وخل قلبي مكانه
رح في طريقك وابتعد وين ولّيت
وأنا خفوقي بنزعك من كيانه
ما أبيك دامك في عذابي تسلّيت
يا من نقض عهدي وللحب خانه
بنزع غلاك ..وكل ما فيك سجّيت
بلعن طواريك وعذاب المهانه
واليوم أنا بقولها منك ملّيت
وش لي بحبٍ منتهي به أوانه

أتمنى أن يعانق أحاسيسكم الدافئه