عتـــــــــــــــــــاب

اقول عـز النفـس فطـره بالانسـان=وهبـه مـن المعبـود منـزل كتابـه
من يـوم خلـق ادم وحـوا الـي الان=وكلـن ورا عـزه معـنـن ركـابـه
والعـز كلـن يطلبـه ويـن ماكـان=الله علئ عز النبـي والصحابـه
لكن عذاريب الدهر بعـض الاحيـان=يدمر زعيم القـوم حضـرت جنابـه
يمحى الزعيم الي لـه العـز عنـوان=الـي يوثـر عنـد قـومـه غيـابـه
وانـا ثـلاث سنيـن للـود والـهـان=مشتـاق الـيـوم الـقـا والعتـابـه
وردد امـالـي ترانـيـم والـحــان=انغام صوت الوتـر وقـوس الربابـه
وتم القا وصبـح لقـا عيـد الاخـوان=والقلـب قـال الـي يبـا الله جـابـه
تباشروبـه ورتفـع صـوت فـنـان=اهـلا هـلا بالـي لفـى مرحبـابـه
لكن رب الخلـق بالخلـق لـه شـان=غطا الفـرح ثـوب الاسـى والكأبـه
خلى الزمن يرجع محلـه كمـا كـان=وكلن رجع مـع دربـه الـي مشابـه
واحترت بالي صار من دون حسبـان=الي حصل محـدن محسـب حسابـه
احيان اقول انـه تـردد علـى شـان=مالائـمـه جــو البـلـد ونقـلابـه
واحيان اقول انه مـن النـاس بلشـان=خوفـه مايلقـى لـه مكـان ومهابـه
مـدري نـوى يبـدل الـود حقـران=ومرضيـه فعلـه للخطـا ورتكـابـه
والا يفـك ابـواب ويـسـد بيـبـان=ومرضيه فعل يزعـل الـي رضابـه
والا سمع هـرج مـع فـلان وافـلان=وبلـيـس للهراج كـشـر بـنـابـه
والانـوى يبعـد ولا شـك حـيـران=ماهو بعارف كيـف يبـدى انسحابـه
واحترت وابديت الولي قلـت سبحـان=الـي خلـق كـل الفلـك وعتنـابـه
جيت اسأله واقول وش صار وش كان=بالله بتفصـيـل هــات الاجـابــه
ودخل على اللي فارضن خمس الاركان=درب مشيتـه ليـه صكـيـت بـابـه
صكيته وفكيـت لـي بـاب الاحـزان=الله مكبـر جـرح بعـض القـرابـه
ولا تقول ماتدري ترى الظلـم بهتـان=تـدري وتخفـي واقعـن ينحكـابـه
والعلم مثـل البـدر مكشـوف لابـان=لـو ان مـحـدن قابـلـه والتقـابـه
ان كان في العيب مـا نـي بزعـلان=قلي عسـى محـدن كشفـه ودرابـه
وخلك عوين لـي لاصـرت غلطـان=ابد الخطـا وشـرح طريـق اجتنابـه
وخلك عليـه مثـل هتـان الامـزان=ابد الخطـا وشـرح طريـق اجتنابـه
وانا اعتبرني معـك ياذيـب سرحـان =فـي درب مايمشيـه غيـر الذيـابـه
والا الحقيقه قلـب وعيـون والسـان=تذكـر ثـواب الله وتنسـى عقـابـه
ومهما تعذر العـذر فـي خبـر كـان=دنيا اشـوف ابهـا العجـب والغرابـه
ولاني بعذرك يابيـض الوجـه قنعـان=مهمـا يكـون العـذر حكـم وللبابـه
لياصـار ماللعـذر حجـه وبـرهـان=من يسمعـه يجهـل خطـاه وصوابـه
وقسم برب البيـت والانـس والجـان=والا يحـرم قلبـي بقـيـت شبـابـه
ان الخبـر عنـدك ولكـن بالاحسـان=حقـايـق قـامـت علـيـه تشـابـه
ناظر دموع العين من فـوق الاوجـان=من فـوق خـد مثـل وبـل السحابـه
امـا مسـحـه والازده دم الاعـيـان=وجبر عزى اللي غـارق فـي عذابـه
قبل يتفجـر داخـل الصـدر بركـان=وتصبـح معاليـق الضمايـر خرابـه
وتشب نار الحـرب والصـدر ميـدان=ولا تقـدر اداوي اثــار الاصـابـه
واصيـر تذكـار وعبـره وسلطـان=للـي عضيـده كفنـه فــي ثيـابـه
جيتك وانا اشكيلك من الوقـت بلشـان=وتصيـر مـن بينـي وبينـك طلابـه
امسك محلك ان قسى الوقـت وان لان=السيـف فـي يمنـاك يلمـع نصابـه
والياحكمـت احكـم بسنـه وقــرأن=ودنيـاك ماتسـوى جنـاح الذبـابـه
وخل الك رمز وميـزه بكـل ميـزان=ورقب بمرقـاب الـردي مارقـا بـه
جـاك الكـلام بلازيـاده ونقـصـان=واضح مفصل فـي سطـور الكتابـه
مكتـوب مضمونـه مشاريـه خـلان=واضح مفصل فـي سطـور الكتابـه
ولا يطلب الما غير من صار ضميـان=ومـن حـج بيـت الله يـدور ثوابـه