اقتباس:
المشاركة الأصلية كتبت بواسطة عبدالعزيز الفدغوش
 قبلــــــة الإســــلام ؟ الاهداء : إلى كل من به غيرة على الإسلام والمقدسات الإسلامية
هذه القصيدة رداً على ماكتبه الصحفي (ريتش لوري) في مجلــــة
(ناشيونال ريفيو) حيث طالب بضرب مكة المكرمة بالقنبلة النووية:
ياقبلة الإسـلام يـا مهبـط النـور=ياأم القرى ياللي لنا رمـز واشعـار
ياأطهر ثرى في كوكب الأرض مخبور=ياملتقى صحب النبي جمـع الأخيـار
ياآمن بلد في كـل الأيـام وعصـور=وقلوبنـا لـك تتجـه قبـل الأنظـار
حبك رسخ بقلوب الأخيـار محفـور=ياقبلة الإسـلام فـي كـل الأقطـار
ياتاج عزٍ ماتزعـزع مـن ادهـور=ولك هالة التقديس بالسـرّ واجهـار
لواء شموخك عبر الأجيال منصـور=والله يحفظك من عناء كيد الأشـرار
كان أبرهه جالك على الفيل مغـرور=لاقى الجزاء من المعتلي وال الأقـدار
يا(ريتش) يا(ريتش)الخطأ منبع الجور=يامنتهى الإلحـاد والخـزي والعـار
ياتايـه التوجيـه ياضايـع الشـور=مكة بأمان الواحـد النافـع الضـار
مكة حماهـا مبـدع البـر وبحـور=يرسـل أبابيـلٍ علـى كـل غـدار
البيت بأمر الحـق مبنـي ومعمـور=وحق علينـا نثنـي دونـه أسـوار
روح الولاء لأرض الوفاء تعتلي سور=وحنا لعيون الدار نرخص بالأعمـار
حنا لعيون أم القرى نصـف طابـور=ويالعنبو من هاب غبـات الأخطـار
نداء الوطن والدين ماعنـه مذخـور=ودم التفانـي يعتلـي روس الأحـرار
إن ضاع منّا الدين وإحساس وشعور=ياعـلّ مايبقـى لنـا حـيّ ديّــار
عبدالعزيز الفدغوش[/center |
[center]
الله في خلقه وفي شانه خبور=يالي مابينه وبين خلقه استار ياحامين بيتك من قبل العصور=تبت من يـقــذف لبيتك الشـــرار
رايت السلام ماتنزل شبــور=من بقاء البيت ابسو جعله الادمار
اطلبك يالله جعله الاعثـــور= يبليه المعبــود بعثــراتن كثـار
نحمد المولاء في حمد وشكور=حمـين بيتــه في عـــــــز وقــار
وكبرو ال لله في غيب وحضور=وانشدو التوحيد في كل القطـار
الإهداءات
العرض العادي
المواضيع المتشابهه الموضوع: قبلة الإسلام ؟ 
