شبكة الشموخ الأدبية

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - بيتك (http://www.alshmo5.com/vb/t40115.html)

البيت عامر ينتظر تسكنينه
اسال انا نفسي متى تدخلينه

البيت جاهز من جميع النواحي
مقفول بابه ينتظر تفتحينه

بفضل تصاميم الزمان العجيبه
صممت بيتك لو تزايد حنينه

كن الجدار اللي فبيتك اشوفه
دمعه يهل وزايدن في ونينه

كنه يعرفك يوم قلبي جهلكي
اسمك ترى في داخله تشعرينه

سقفه وبيبانه وسيبه وجاره
يصرخ بصوتن واحدن تسمعينه

ينده ولا حوله احد غير قلبي
قلبي جهل اسمك ووينك ووينه

بيتك عرف اسمك وكاتب حروفه
وسط الورود اللي على الباب زينه

اسكن انا في وسط بيتك لحالي
احلم بقربك لو حياتي حزينه

امنع جميع الناس تلفي عليه
تارك همومي وسط صدري دفينه

ان كان بيتك يحسبونه بضيقه*
بيتك اشوفه في عيوني مدينه

بقلمي

حبيس الهاجس

الشاعر القدير عبدالله التميمي
حياك الله وبياك في شبكة الشموخ الأدبية

وكل حروف التقدير والإجلال تقف تقديرا

وإكراما لمقدمك ونتمنى لك مزيدا من السداد والموفقية

الرائع عبدالله التميمي

صح الله لسانك وأعلى الرحمن قدرك وشأنك

وأبدعــت وأجـدت وتميـزت في منظــوم بيـــانك

صمح لسانك
قصيدة جميلة. . وعذبة الاحاسيس،
.
ويبقا البيت بإنتظار ساكنيه مهمنا طالت الايام
ومن يسكنه غيرهم لن يكون لهم نفس المكانة والغلا لأصحابه الحقيقيين
.
سلمت ودمت

صح الله ألســانك ودام شــانك
وسجلت التميز نهجك وعنوانك
لله درك وســلم قلــــــبك وبنانك

صح السانك وقصيدة طيبة
والله يعطيـــــك الصحة و العافــــــية