السلام عليكم ورحمة الله وبركاته
لبيه يا اللي وحدك إن قلت لبيه
يذبحني لبيهك ويذبحني الصوت
وإن طاح قلبي ميت فيك خليه
يا حي قلبٍ طاح ويا حيه الموت
ما قلت أحبك لجل وقتي أسليه
لا والذي نجى نبيه من الحوت
والحب لو هو سر وأقدر أخبيه
ما قلت أحبك حتى وأشفاهي سكوت
لي ناظرٍ ما غير شخصك يمريه
كنك دواي وشوفتك طب منعوت
وان ضاق بالي اذكر اسمك وأغنيه
وأتخيلك علُ وعسى طيفك يفوت
أهواك وهمي كيف قلبك أهنيه
من كثر ما اسمك في هالقلب منحوت
حتى الخطأ لو جاني منك أمشيه
وإن ما مشى أخلق له أعذار وإثبوت
ويش الذي يخطر في بالك و أسويه
لو حتى في وسط البحر أبني بيوت
يا اللي البحر لو جا في بالك تحليه
مريت صوبه وامتلى سكر وتوت
لبيه ...يا اللي لو طلبني ألبيه
للعاصمة حافي ولو دربه خبوت
لين أندهك يا فلان وتقول لبيه
وأطيح من طولي ويذبحني الصوت
:
والسموحة على الاطالة
الإهداءات
لبيه يا اللي وحدك إن قلت لبيه 
العرض الشجري
المواضيع المتشابهه الموضوع: لبيه يا اللي وحدك إن قلت لبيه 
