للي لهم حشمة وتقدير
 

اللي لهم بالقلب حشمه ومقدار=نـــاس ٍمن الطيبة كسبنا غلاهم
الهم بروحي جملة قصور واسوار=حب ٍتعلا فوق طيبة نباهم
حب ٍختم بالنبض بصمات الاسرار=الهم مكان ٍمايجي له سواهم
مرفوع بالعالي مثل طير صقار=طفيت شمعة واشعل نوره سناهم
مايلحقه شك ٍ ولابالوفا عار=عليه قلبي راضي ٍ من عطاهم
صافي صفى السما بلاعج وغبار=مزروع وسط الروح بالدم داهم
ابيع لجله كل ماكر وغدار=واشري غلا اللي قد سكني هواهم
ناس ٍبهم صدق ٍمع الثقل قنطار=طيب ومراجل للمواقيف فاهم
قلبي فتح لعيونهم داخله دار =بالصدق شفته في خبايا خفاهم
مايلحقه لومي ولاني لهم ضار =عند الوفا صادق وطيب ٍحكاهم
ياللي تغنون القوافي بالآشعار=حرفي نظمته في مداره غلاهم
الطيب معدنهم على كل دوار=محمي بعهد الود جاني صفاهم
اطلب من الله حامي ٍكل صبار=تعوض تعب قلبي بلحظة لقاهم
وترزق بروحي فرحتي بكل الآنوار=تشرق سماء روحي بطيب ٍكساهم
بنثر ورود بكل شارع ومرار=تزهر مداينهم وينْور سماهم


مفرداااتي
شمووخ الذات