السلام عليكم ورحمة الله وبركاته
اتمنى الجميع يكون بخير
يعلم الله ان لكم وحشه و مشتاق للتواصل معكم
و العذر و السموحه
جديدي لعل يشفع عن غيابي
البال شيب و البلا طيبي !
من هو يعوضني ولو ساعه !
شفتوا سببها طيبتي شيبي !
كيف الزمن غير لي اوضاعه !
فرحي ... تحداني لتكئيبي !
وحزني ... يضحكني من اوجاعه !
ما عادت البسمه تماريبي
والعشق ... عورني من اضلاعه !
أهلك خفوقي كثـْر تأنيبي !
والمحجر اللي جفّت ادماعه
أضويت درب الغير و دريبي
شمعه ... ولكن دون ولاعه !
طالبْك يا عاشق عذاريبي
ابعد خفوقي ناس خداعه
ناسٍ تبي تحطيم ترتيبي
لجل الشعر والناس بياعه
باعت احاسيس ٍ تبي عيبي
والكامل الله دون نزاعه !
بالهون يا عاذل وانا ريبي
اني كتبته يوم لرضاعه !
ليـّـقت به فكري وتدريبي
ما جيت ادور ناس فزاعه
شعري ... يفاخر بي ... ويدري بي
من احترامه يرفع اقباعه !
شفت الهزل في بث تجريبي
ولا الجزل عده على اصباعه
ما عاد لانصاف الشعر ذيبي
و النور هو من قتل اسباعه !
مالي و مال اللي يهذري بي
بصرخ لجمهوري بالإذاعه
يا من تلبولي مطاليبي
من هو يحاول لي فـأقناعه
تكفون فزعتكم لتسكيبي
من شان قربه قبل لوداعه
من هو يمد ايده وسط جيبي
ياخذ وصية عشق ملتاعه
فيها سلام و صدْق ترحيبي
وبوكيه ورد فـ إيـد من ذاعه
ابغى يوصلها ل my baby
ويقول له حبك لوى ذراعه
يا من سكنتي خافقي غيبي
عن عالم ٍ تملكـْه طماعه
واخذيني فـْحلمي وهيمي بي
ارجوك ضيعيني فـ ضيـّـاعه !
يكفيني اتنفسْك .. واسري بي
عشقي سفينه و انتي شراعه !
اخذيني... و حيلك بتعذيبي
مالك غير السمع و الطاعه
عماد السرحان
ealsarhan@
[/QUOTE]
الإهداءات
البلا طيبي ! ! صوتيه 
العرض المتطور
المواضيع المتشابهه الموضوع: البلا طيبي ! ! صوتيه 
