أبدا بسم اللي كل مؤمن ترجّاه=يرجي ثوابه والمخاليق ترجيه
هو ربنا القيوم لا غيره إله=الخالق العظيم للكون ومنشيه
من طاعه يسعد دوم ويفوز بِرْضاه=وتحل عليه الرحمه ساعة يلاقيه
اللي يصلي الفرض خاشي من الله=يبشر بجنّه مع نعيمٍ بيآتيه
ينعم عليه المولى بالفضل يجزاه=يغفر له ذنبه أوله مع تواليه
الرابح اللي يتبع الحق يتلاه=والخاسر اللي يتبع ابليس غاويه
ياربنا ارحم عمنا اللي فقدناه=يوم الأحد عشرين شوال ناعيه
أحمد بن دوجان ضيفٍ لمولاه=وانت الكريم وندري إنك بترضيه
لو العمر يُفدى بكل غالي أفداه=حتى بروحي والله إني بأفديه
أبو سليمان مطلق حجاج من جاه=وراعي الفزعات باللي قدر فيه
في جنة الفردوس يا ربي سكناه=ولعفوك المحبوب يارب تدنيه
يا كبرها الخساره يومْ انْ خسرناه=لكن ما ينفع البكا يوم نبكيه
الموت حق وكلنا ما جحدناه=وكاس الموت داير والكل ساقيه
الخفجي جَزْعت في وفاته وتنعاه=وعياله وارحامه وكافة بنيخيه
يا كيف آعبّر عن شعوري وفحواه=وكل القوافي في قصيدي بترثيه
له عندنا قدر ومعزه مع الجاه=والحزن خيّم كيف نخفي خطاويه
ما آنساه والله دامني حي ما آنساه=والموت ما يمحي عن البال طاريه
الموت يهدم لذة العيش وهْناه=لكن آمنا بخالق الخلق باريه
والعمر وان طوّل على غير مشهاه=يجيه يوم يثبّته ثم ينهيه
سليمان ابوك ايّاك إيّاك تجفاه=دعوه من قلب صادق ترى تهنّيه
ويا نايف ما يحتاج أنا آسدي لك وْصاه=هذا أبوك الغالي ملزوم تكافيه
وياآم سليمان يجبر مْصابك الله=مْصابك عظيمٍ لكن الصبر يبريه
ويا مالكه دمعك على الخد مجراه=حزنك عميقٍ على غالي فقدتيه
أدري بحزنك حتى قلبك تعداه=صدمه قويه فوق طاقتْك تحويه
وباقي بناته كفكفن دمع مرثاه=ترى الدموع الزايده حيل توذيه
كلٍ يموت ويُلحد بقبر يقداه=يصبح للصالح روضةٍ في مواريه
وهذا اللي لْغالينا إحنا نتمناه=قولوا آمين ( الله بالخير يجزيه )
وزيدوا الصلاه على النبي خاتم انباه=شفيعنا يوم الحشر عند واليه
محمد اللي طاع ربّه ولبّاه=واختم كلامي كالبدايه وأنهيه
سبحان ربي بلسم القلب ودْواه=ذو الفضل والإحسان مع كل تنويه

:
جوهر الراوي

وكـــــاس الـــمـــوت دايــــــر والـــكـــل ســاقــيــه


الله يرحمه ويرحم موتنا وموتا المسلمين يارب

تحياتي

القدير

جوهر الراوي

صح الله السانك واعلى شانك
ابداع × ابداع
تقبل الورد

سامي احمد

الصاحب السامي

لله درك

مرورك عاطر

بارك الله فيك

كل الود والورد لك

نادر الروقي

لله درك

مرورك عاطر

بارك الله فيك

كل الود والورد لك

فادي العرمان
لله درك ما أروعك

مرورك العاطر أسعدني جدا

كل الود والورد لك مع التقدير .!

سلمت يداك التي صاغت هذا الجمال
صح لسانك مليون ولايسدون
تقديري واحترامي
لشخصك وبوحك الراقي
ذكرى الغالي

لله درك

مشعل
أسعدني مرورك العاطر
بارك الله فيك

كل الود والورد لك

لله درك

ذكرى الغالي
أسعدني مرورك العاطر
بارك الله فيك

كل الود والورد لك

لله درك

فواز بن بندر
أسعدني مرورك العاطر
بارك الله فيك

كل الود والورد لك

لله درك

زينب القحطاني
أسعدني مرورك العاطر
بارك الله فيك

كل الود والورد لك