شبكة الشموخ الأدبية - قـصــيده (و) رد

اطرح لكم هذه المتواضعه ,المصافحه البسيطه

كيبورديه تاريخ 28 / 6 / 2010 م

بيني وبين الشاعر عبدالعزيز المعاوي

يا صاحبي اعرفك من قبل شهرين=
=ياما تقابلنا بـ روم(ن) و شاتي
وياما سمعنا عنك , طـاريك بـالزين=
=شاعر و لك قيمه وقدر و صفاتي
عبدالله بن أحمد على الـراس و العين=
=و النعم بك مليون والف و مياتي
قالو عنك شاعر ولك بــاع و سنين=
=ومروّض الخيل اللقب و السماتي
فيك المرح و الطيب والشعر و الدين=
=هذي صفاتك بـالعمر و الحياتي
هيّا يـا بو احمد تقّدم من الحــين=
=واكتب ردودك,واستمع للوصاتي
اخترتك الليله تـجاري بـ الامرين=
=امور سهله مثل شُرب المياتي
الامر الاول : وقفتك لي بـ صوتين=
=انت الوحيد الي بـقلبك غلاتي !
وثاني الامرين :عنــدك دواوين ؟=
=الــرد عندك وانا بألزم سكاتي
واختم بيوتي يا رفيقي على وين ؟=
=طالبك تدعي لي بساعه(وفاتي) !

عبدالعزيز المعاوي

الـــرد

حي الرفيق اللي قصدني وأهلين=
=باللي رفع قدري وزينّ حلاتي
الصاحب اللي لو معي اليوم قلبين=
=أُسكنه فيهم براحه وسباتي
عبدالعزيز ابن المعاوي بكفين=
=أصافحك ياللي غلاك بخفاتي
ماظن يكفيك الشعر لو دواوين=
=شعري ومنضومي وبوحي وسكاتي
كل القوافي ماتساوي العزيزين=
=شرواك ندعي له بكل الصلاتي
اشريك ياللي معدنك حر شاهين=
=لبيه ياحايز وسام الغلاتي
متكاك في قلبي ومرباعك العين=
=اقلط تفضل في جميع الجهاتي
وقت الشدايد نبسط اليوم يدين=
=إيد المخوه وإيد الأطياب ذاتي
عمرك طويل ودعوتي اليوم , بعدين=
=كل يوم بدعي لك ليوم المماتي
يومي قبل يومك ويومك مع الزين=
=راحه بليا معمعه , واحسراتي

بقلـم /

عبدالله بن أحمد