أجبـــــــــــــــــــــــروني ؟

من علة ٍ في ضميري تبكي عيوني= في لحظة ٍ ظالمي يشوفها عيده
غصب ٍ علي أجبروني يوم جابوني = زادوا عذابي وأنا هالشخص ما أريده
ما أريدها الزواجة لا تغصبوني = تكفون ما أبي حياتي تصبح بأيده
أنا أعيش بقهر وأنتم أتهنوني = وأنا أدري إن الحياة بقربه مكيده
دمعي على حاجري وأنتم تشوفوني = والضيم داخل ضميري من شواهيده
وأنا حزينة وأنتم بي تسلوني = هاليوم هذا عسى الله لي ما يعيده
لو كان لي عزوة ٍ عنكم يعزوني = ما طحت صوب المذلة كني الصيده
رجواي باللي يحس بكل مكنوني = اللي بأمرهيزيل الضيم ويبيده
أرجيه يفزع لمظلومة عن الهوني = ويفرج الضيم قبل الظالم إيزيده
مالي رجال ٍ يفكوني ويحموني = إلا أنت قادر تفك القلب من قيده